सांगली : लोकशाही ही केवळ शासनपद्धती नसून प्रत्येक नागरिकाच्या सक्रिय सहभागातून ती सशक्त होत असते. सुजाण नेतृत्व घडवण्यासाठी आणि लोकशाही टिकवण्यासाठी मतदान करणे हे प्रत्येक नागरिकाचे पवित्र कर्तव्य आहे, असा संदेश प्रशासन अधिकारी प्रकाश खेडकर यांनी दिला.
सांगली–मिरज–कुपवाड शहर महानगरपालिका सार्वत्रिक निवडणूक २०२५–२६ च्या पार्श्वभूमीवर, आयुक्त तथा निवडणूक अधिकारी सत्यम गांधी यांच्या मार्गदर्शनाखाली शहरात SVEEP (मतदान जनजागृती) उपक्रम राबविण्यात येत आहेत. याच उपक्रमांतर्गत वि. स. खांडेकर अभ्यासिका येथे स्पर्धा परीक्षांचा अभ्यास करणाऱ्या तरुण व नवमतदारांसाठी विशेष मतदान जनजागृती कार्यक्रमाचे आयोजन करण्यात आले होते.
या कार्यक्रमाच्या अध्यक्षस्थानी प्रशासन अधिकारी प्रकाश खेडकर उपस्थित होते. अभ्यासिकेतील युवक हे देशाचे भविष्य असून त्यांनी लोकशाही प्रक्रियेत सक्रिय सहभाग घ्यावा, यावर यावेळी भर देण्यात आला. मतदानाचे महत्त्व, मताधिकाराचे सामाजिक व राजकीय परिणाम तसेच संविधानाने दिलेल्या अधिकारांविषयी उपस्थितांना मार्गदर्शन करण्यात आले.
ग्रंथपाल संतोष बेलवलकर, भारत बंडगर, राहुल मुळीक, संतोष यादव व गुरांण्णा बगले यांनी मतदान प्रक्रियेचे महत्त्व स्पष्ट करत उपस्थितांशी संवाद साधला. “मतदार राजा जागा हो… लोकशाहीचा धागा हो” या संदेशातून तरुणांना मतदानासाठी सज्ज होण्याचे आवाहन करण्यात आले.
कार्यक्रमादरम्यान नवमतदारांनी निर्भयपणे मतदान करण्याची शपथ घेतली. आगामी निवडणुकीत मोठ्या संख्येने मतदान करण्याचा निर्धार विद्यार्थ्यांनी व्यक्त केला. अशा उपक्रमांमुळे लोकशाहीची पायाभरणी अधिक मजबूत होईल, असा विश्वास महापालिका प्रशासनाकडून व्यक्त करण्यात आला.
हेही वाचा: वाळवा तालुक्यात २ किलो गांजा जप्त; कोल्हापूरच्या १८ वर्षीय तरुणास अटक.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
