ईश्वरपूर : किल्लेमच्छिंद्रगड (ता. वाळवा) येथील गणेश खिंड परिसरात गांजाची विक्री करण्याच्या तयारीत असलेल्या एका तरुणाला ईश्वरपूर पोलिसांनी अटक केली आहे. या कारवाईत ५४ हजार रुपये किमतीचा सुमारे २ किलो गांजा जप्त करण्यात आला आहे.
पोलिसांकडून मिळालेल्या माहितीनुसार, तेजस संतोष जगताप (वय १८, रा. कसबा बावडा, कोल्हापूर) असे अटक करण्यात आलेल्या संशयिताचे नाव आहे. गणेश खिंड परिसरात गांजाची विक्री होणार असल्याची माहिती पोलिसांना मिळाल्यानंतर गुन्हे प्रकटीकरण पथकाने सापळा रचून संबंधित तरुणास ताब्यात घेतले. तपासादरम्यान त्याच्याकडे गांजा आढळून आला.
पोलिस चौकशीत संशयिताने हा गांजा साखराळे (ता. वाळवा) येथील अक्षय महादेव नलवडे याच्याकडून घेतल्याची माहिती दिल्याचे सांगण्यात आले आहे. या प्रकरणातील संबंधित संशयित सध्या फरार असून त्याचा शोध घेण्याचे काम सुरू असल्याची माहिती पोलिसांनी दिली आहे.
अटक करण्यात आलेल्या संशयितास न्यायालयात हजर करण्यात आले असता त्याला चार दिवसांची पोलिस कोठडी सुनावण्यात आली आहे. ईश्वरपूर पोलिस पुढील तपास करत आहेत.
हेही वाचा: आज जाहीर होणार भाजपची उमेदवारी यादी; पृथ्वीराज पाटील समर्थकांना सुमारे 5 जागा, तर जयश्री पाटील समर्थकांना….
- शिराळ्यातील बेलदारवाडी जिल्हा परिषद प्राथमिक शाळेत प्रवेशोत्सव उत्साहात; विद्यार्थ्यांना मोफत गणवेश, पुस्तके
- बंगळुरू-मुंबई स्लीपर वंदे भारतवरून नवा वाद; सांगली-बेळगावला डावलले जाणार?
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
