सांगली : जिल्हा परिषदेतील सर्व विभागप्रमुखांनी आपापली नेमून दिलेली कर्तव्ये व जबाबदाऱ्या पारदर्शकपणे आणि जबाबदारीने पार पाडावीत, अशा सूचना पुणे विभागाचे विभागीय आयुक्त डॉ. चंद्रकांत पुलकुंडवार यांनी दिल्या.
जिल्हा परिषद सांगली येथे जिल्हा परिषदेच्या आयुक्त तपासणीचे चार वर्षांचे अहवाल वाचन बैठकीच्या अध्यक्षस्थानावरून ते बोलत होते. जिल्हा परिषदेच्या वसंतदादा पाटील सभागृहात झालेल्या या बैठकीस जिल्हा परिषद मुख्य कार्यकारी अधिकारी विशाल नरवाडे, अपर आयुक्त (आस्थापना) पुणे नितीन माने, अतिरिक्त मुख्य कार्यकारी अधिकारी मनोज जाधव, जिल्हा ग्रामीण विकास यंत्रणेच्या प्रकल्प संचालिका नंदिनी घाणेकर यांच्यासह विविध विभागांचे वरिष्ठ अधिकारी उपस्थित होते.
डॉ. पुलकुंडवार यांनी आरोग्य, शिक्षण, पाणीपुरवठा, सार्वजनिक स्वच्छता, घनकचरा व सांडपाणी व्यवस्थापन या मूलभूत सेवांबाबत संबंधित यंत्रणांनी सतर्क राहून कामकाज करावे, असे सांगितले. केंद्र व राज्य शासनाच्या महत्त्वाकांक्षी योजनांची प्रभावी अंमलबजावणी करताना उद्दिष्टे ठरविलेल्या कालावधीत पूर्ण होतील, याची दक्षता घ्यावी, असे त्यांनी नमूद केले.
जल जीवन मिशन योजनेअंतर्गत पूर्ण झालेल्या कामांची प्रत्यक्ष पाहणी करून त्याचा आढावा घेण्याचे निर्देश देण्यात आले. ग्रामपंचायत स्तरावर स्वच्छतेबाबत सातत्य ठेवावे, तसेच वृक्षारोपणास प्राधान्य द्यावे, असेही त्यांनी सांगितले. ग्रामीण भागात उद्योग सुरू होण्यासाठी असलेल्या अडचणी ओळखून त्या सोडविण्यावर भर देण्याचे आवाहन त्यांनी केले.
आयुक्त तपासणीदरम्यान नोंदविण्यात आलेल्या आक्षेपांबाबत संबंधितांनी सखोल तपासणी करून आवश्यक कार्यवाही करावी. शासकीय निधीच्या वापराबाबत कोणतीही अनियमितता आढळल्यास तात्काळ कारवाई करावी, असे निर्देश देण्यात आले. दिव्यांगांसाठी उपलब्ध निधीचे योग्य नियोजन करण्याबाबतही त्यांनी सूचना दिल्या.
बैठकीत जिल्हा परिषद कार्यालय तपासणीचे अहवाल वाचन अपर आयुक्त नितीन माने यांनी सादर केले. यावेळी आस्थापना, आरोग्य, पशुसंवर्धन, महिला व बाल विकास, शिक्षण, समाजकल्याण, मनरेगा, बांधकाम विभाग आदींचा सविस्तर आढावा घेण्यात आला.
या बैठकीदरम्यान जिल्हा परिषद कार्यक्षेत्रातील विविध लाभार्थ्यांना प्रमाणपत्रांचे वाटप, दिव्यांग व्यक्तींना उपकरणांचे वितरण, तसेच प्रशासकीय कामकाजात उल्लेखनीय कार्य केल्याबद्दल संबंधित अधिकारी व कर्मचाऱ्यांचा सन्मान करण्यात आला.
हेही वाचा: सांगलीतील काळीखण येथे सुरू झालेल्या ‘The Evening Retreat’ ला नागरिकांचा उत्स्फूर्त प्रतिसाद.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
