सांगली : सांगली–मिरज–कुपवाड शहर महानगरपालिकेने मालमत्ता कराच्या थकबाकीदारांविरोधात कडक पावले उचलण्याचा निर्णय घेतला आहे. नवीन वर्षाच्या पहिल्याच दिवसापासून, म्हणजेच १ जानेवारी २०२६ पासून, संपूर्ण महापालिका क्षेत्रात विशेष वसुली व जप्ती मोहीम राबविण्यात येणार असून, थकबाकीदारांच्या मालमत्तांवर थेट जप्तीची कारवाई केली जाणार आहे.
महापालिका प्रशासनाकडून देण्यात आलेल्या अधिकृत माहितीनुसार, या मोहिमेत विशेषतः वाणिज्य (Commercial) मालमत्तांवर लक्ष केंद्रीत करण्यात येणार आहे. वारंवार नोटिसा देऊनही मालमत्ता कर न भरलेल्या थकबाकीदारांवर कोणतीही सवलत न देता थेट जप्ती व सीलची कारवाई करण्यात येईल, असे स्पष्ट करण्यात आले आहे.
विशेष पथकांची नियुक्ती
या विशेष मोहिमेसाठी शहर व प्रभाग समितीनिहाय तीन स्वतंत्र विशेष पथके स्थापन करण्यात आली आहेत. ही पथके महापालिका आयुक्त व अतिरिक्त आयुक्तांच्या थेट नियंत्रणाखाली कार्यरत राहणार आहेत. प्रत्येक पथकात कर अधीक्षक, वॉरंट अधिकारी तसेच आवश्यक सहाय्यक कर्मचारी असतील. प्रत्येक पथकास दररोज किमान २५ मालमत्तांवर कारवाई करण्याचे उद्दिष्ट देण्यात आले आहे.
निवडणूक कामकाजासोबतच वसुली
सध्या सुरू असलेल्या महापालिका निवडणूक प्रक्रियेच्या पार्श्वभूमीवर, निवडणूकविषयक कामकाजासोबतच ही वसुली व जप्ती मोहीम समांतरपणे राबविण्यात येणार आहे. थकबाकी मोठ्या प्रमाणावर असल्यास, गरज भासल्यास संबंधित मालमत्तांचा लिलाव (Auction) करण्याची कारवाईदेखील करण्यात येणार असल्याचे प्रशासनाने सूचित केले आहे.
महापालिका आयुक्त सत्यम गांधी यांचे आवाहन
महापालिका आयुक्त सत्यम गांधी यांनी नागरिकांना स्पष्ट शब्दांत आवाहन करत सांगितले की,
“नवीन वर्षात जप्तीची कारवाई व नामुष्की टाळण्यासाठी नागरिकांनी आपला थकीत मालमत्ता कर त्वरित भरावा. कोणत्याही दबावाशिवाय सर्व थकबाकीदारांविरोधात ही मोहीम राबविण्यात येईल. तसेच कामात हलगर्जीपणा करणाऱ्या कर्मचाऱ्यांवरही कठोर कारवाई केली जाईल.”
नागरिकांसाठी महत्त्वाची सूचना
जप्तीची कारवाई टाळण्यासाठी नागरिकांनी महापालिकेच्या नागरिक सुविधा केंद्रात (CFC) किंवा ऑनलाईन पद्धतीने थकीत मालमत्ता कर तात्काळ भरून त्याची पावती जवळ ठेवावी, असे आवाहन महापालिका प्रशासनाच्या वतीने करण्यात आले आहे.
हेही वाचा: वयोमर्यादेमुळे उमेदवार अपात्र; आमदार गोपीचंद पडळकरांची मुख्यमंत्र्यांकडे वयोसवलतीची मागणी.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
