सांगली : सांगली–मिरज–कुपवाड शहर महानगरपालिका सार्वत्रिक निवडणूक २०२६ च्या पार्श्वभूमीवर भारतीय जनता पार्टी, जनसुराज्य आणि रिपब्लिकन पार्टी ऑफ इंडिया (आरपीआय) युतीच्या प्रचाराचा शुभारंभ शनिवार, ३ जानेवारी २०२६ रोजी सांगलीत पार पडला. या प्रचार सभेस महाराष्ट्राचे मुख्यमंत्री देवेंद्र फडणवीस प्रमुख उपस्थित होते.
या वेळी विकास, सुशासन आणि जनहिताच्या मुद्द्यांवर आधारित निवडणूक लढवण्याचा निर्धार व्यक्त करण्यात आला. प्रचार सभेत उपस्थित नेत्यांनी युतीच्या अधिकृत उमेदवारांना पाठिंबा देण्याचे आवाहन केले.
कार्यक्रमास सांगली जिल्ह्याचे पालकमंत्री चंद्रकांत पाटील, आमदार डॉ. सुरेश खाडे, आमदार सुधीर गाडगीळ, आमदार सत्यजित देशमुख यांच्यासह भाजपा, जनसुराज्य व आरपीआयचे पदाधिकारी, कार्यकर्ते आणि नागरिक मोठ्या संख्येने उपस्थित होते.
दरम्यान, मुख्यमंत्री देवेंद्र फडणवीस यांच्या उपस्थितीत झालेल्या या प्रचार शुभारंभ सभेत सांगली शहराच्या पायाभूत सुविधा, पाणीपुरवठा, रस्ते, ड्रेनेज, घनकचरा व्यवस्थापन, ऊर्जा तसेच पूरनियंत्रण यासारख्या विषयांवर चर्चा झाली. सांगली शहराच्या विकासाशी संबंधित विविध प्रकल्पांबाबतचाही यावेळी उल्लेख करण्यात आला.
याच सभेदरम्यान, सांगली–कोल्हापूर भागातील महापुराच्या समस्येवर उपाय म्हणून प्रस्तावित ‘फ्लड डायव्हर्जन’ प्रकल्पास मान्यता देण्यात आल्याची माहिती देण्यात आली. या प्रकल्पाच्या पुढील कामकाजास सुरुवात करण्यात येणार असल्याचेही सांगण्यात आले.
सांगली–मिरज–कुपवाड महापालिका निवडणुकीच्या पार्श्वभूमीवर भारतीय जनता पार्टीच्या प्रचाराचा अधिकृत प्रारंभ मुख्यमंत्री देवेंद्र फडणवीस यांच्या प्रमुख उपस्थितीत झाल्याने सांगलीतील राजकीय हालचालींना वेग आला असून, पुढील काळात इतर राजकीय पक्षांचा प्रचार अधिक तीव्र होण्याची शक्यता आहे.
हेही वाचा: विश्रामबाग–विद्यानगर–वारणाली परिसरात चार दिवसांनंतर पाणीपुरवठा सुरू.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
