शिराळा : पेठ–शिराळा मार्गावरील गोळेवाडी परिसरात बिबट्याने दुचाकीवर झडप घातल्याची धक्कादायक घटना घडली आहे. या हल्ल्यात दुचाकीवर मागे बसलेल्या अर्चना प्रमोद पाटील (वय ३४, रा. रेठरेधरण) या जखमी झाल्या आहेत. घटनेनंतर परिसरात नागरिकांमध्ये भीतीचे वातावरण पसरले आहे.
मिळालेल्या माहितीनुसार, प्रमोद पाटील, अर्चना पाटील आणि त्यांचा सहा वर्षांचा मुलगा हे तिघे पेठकडून दुचाकीवरून रेठरेधरणकडे जात होते. गोळेवाडी येथील जनाई गार्डनजवळ पोहोचताच जांभुळवाडीच्या दिशेने आलेल्या बिबट्याने अचानक त्यांच्या दुचाकीवर झडप घातली.
या हल्ल्यात बिबट्याचा पंजा अर्चना पाटील यांच्या उजव्या पायाला लागला असून, दुचाकी असंतुलित झाल्याने त्या खाली पडल्या. पडल्यामुळे त्यांच्या डोक्याला मार लागला असून, पायाला बिबट्याच्या नखांच्या जखमा झाल्या आहेत. दरम्यान, वाहनांच्या प्रकाशझोतात बिबट्या जवळच्या शेतात पसार झाल्याचे सांगण्यात येत आहे.
घटनेनंतर स्थानिक नागरिकांनी तत्काळ जखमी महिलेला पेठ येथील खासगी रुग्णालयात दाखल केले. प्राथमिक उपचारानंतर पुढील उपचारासाठी त्यांना उपजिल्हा रुग्णालयात हलवण्यात आले असल्याची माहिती मिळाली आहे.
घटनेची माहिती वनविभागाला देण्यात आली होती. त्यानंतर वनविभागाच्या अधिकाऱ्यांनी आणि कर्मचाऱ्यांनी परिसराची पाहणी केली. काही महिन्यांपासून जांभुळवाडी व आसपासच्या भागात बिबट्याचा वावर असल्याची माहिती नागरिकांकडून दिली जात आहे. याआधीही या परिसरात वन्यप्राण्यांच्या हालचालींच्या घटना समोर आल्याचे सांगण्यात येत आहे.
हेही वाचा: स्वामित्व योजनेअंतर्गत ४२३ गावांत ड्रोन सर्वेक्षण पूर्ण; जमीनधारकांना मालकीची नोंद मिळण्याचा मार्ग मोकळा.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
