सांगली : आगामी महापालिका निवडणुकांच्या पार्श्वभूमीवर शहरातील मतदारांमध्ये लोकशाहीविषयी जागरूकता वाढवण्यासाठी चिंतामनराव कॉलेज ऑफ कॉमर्सच्या वतीने व्यापक मतदार जनजागृती अभियान राबविण्यात येत आहे. या उपक्रमाअंतर्गत शहरात 50 पथनाट्यांचे आयोजन करण्यात आले असून, त्याद्वारे मतदानाचे महत्त्व नागरिकांपर्यंत पोहोचविण्याचा प्रयत्न केला जात आहे.
या अभियानाचा मुख्य उद्देश मतदानाचा टक्का वाढवणे, नवमतदारांमध्ये लोकशाही प्रक्रियेबाबत जाणीव निर्माण करणे आणि प्रत्येक नागरिकाने आपला मतदानाचा हक्क बजावावा यासाठी प्रेरित करणे हा आहे. शिक्षणासोबत सामाजिक बांधिलकी जपत राबविण्यात येणारा हा उपक्रम शहरासाठी आदर्श ठरत असल्याचे प्रशासनाकडून सांगण्यात आले आहे.
कॉलेजमध्ये आयोजित विशेष कार्यक्रमात नवमतदारांना मतदानाची शपथ देण्यात आली. विद्यार्थ्यांनी केवळ स्वतः मतदान करण्यापुरते मर्यादित न राहता, आपल्या पालकांशी, नातेवाईकांशी आणि शेजाऱ्यांशी संवाद साधून त्यांनाही मतदानासाठी प्रोत्साहित करावे, असे आवाहन यावेळी करण्यात आले.
हा उपक्रम महापालिका प्रशासनाच्या निवडणूक जनजागृती (SVEEP) कार्यक्रमांतर्गत राबविण्यात येत असून, प्रशासन आणि शैक्षणिक संस्थांमधील समन्वयातून शहरातील प्रमुख चौक, वसाहती, बाजारपेठा आणि सार्वजनिक ठिकाणी पथनाट्यांचे सादरीकरण करण्यात येणार आहे.
या पथनाट्यांमधून मतदानाचे महत्त्व, मतदान न केल्याचे परिणाम, तरुणांची जबाबदारी आणि लोकशाहीतील नागरिकांची भूमिका प्रभावीपणे मांडली जाणार असल्याची माहिती देण्यात आली आहे. विद्यार्थ्यांच्या सहभागातून लोकशाही प्रक्रियेत तरुणांचा सक्रिय सहभाग वाढवण्यावर या अभियानाद्वारे भर देण्यात येत आहे.
हेही वाचा: 15 जानेवारीची सार्वजनिक सुट्टी कुणा-कुणाला लागू? शासनाच्या निर्णयाची सविस्तर माहिती जाणून घ्या.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
