सांगली : सांगली–मिरज–कुपवाड महानगरपालिका निवडणुकीच्या पार्श्वभूमीवर उपमुख्यमंत्री अजित पवार यांच्या प्रचारासाठी मिरज येथे आयोजित करण्यात आलेल्या जाहीर सभेदरम्यान काही समर्थकांकडून घोषणाबाजी झाल्याचा प्रकार समोर आला आहे. सभास्थळी काही वेळ तणावाचे वातावरण निर्माण झाले होते.
मिळालेल्या प्राथमिक माहितीनुसार, अजित पवार यांच्या राष्ट्रवादी काँग्रेस (अजित पवार गट) उमेदवाराच्या समर्थनार्थ काही जणांनी घोषणाबाजी केल्याचे दिसून आले. या घोषणाबाजीमुळे सभेची शिस्त भंग पावल्याने पोलिसांनी तातडीने परिस्थिती नियंत्रणात आणली.
पोलिस सूत्रांच्या माहितीनुसार, महानगरपालिका निवडणुकीच्या पार्श्वभूमीवर काही व्यक्तींवर पूर्वी प्रतिबंधात्मक कारवाई करण्यात आलेली आहे. त्यापैकी काही समर्थक सभास्थळी आढळून आल्याने पोलिसांनी तातडीने त्याची दखल घेतली. या प्रकरणात संबंधितांवर नेमकी कोणती कारवाई करण्यात आली, याबाबत अद्याप अधिकृत माहिती देण्यात आलेली नाही.
दरम्यान, या घटनेबाबत आयोजकांकडून किंवा संबंधित उमेदवारांकडून कोणतीही अधिकृत प्रतिक्रिया समोर आलेली नाही. पोलिसांकडून किंवा सभेच्या आयोजकांकडून सविस्तर माहिती मिळाल्यानंतर पुढील तपशील स्पष्ट होणार आहे.
हेही वाचा: वसंतदादा पाटील यांचे पणतू हर्षवर्धन पाटील यांचा महापालिका निवडणुकीतून राजकीय प्रवेश.
- बैलगाडी शर्यतीला गेलेल्या युवकाची मोटारसायकल चोरी; रेठरेधरण येथील घटना
- दिघंची बसस्थानकाजवळील दुकान फोडले; 1.21 लाखांचा ऐवज लंपास
- सांगली महानगरपालिका भरतीच्या नावाने फसवणूक? सोशल मीडियावरील जाहिराती खोट्या
- होळीच्या रात्री पुणे–बेंगलोर महामार्गावर हिट अँड रन; पेठनाक्याजवळ 55 वर्षीय वेटरचा मृत्यू
- इस्राईल-इराण तणाव; दुबईला गेलेल्या कुपवाडमधील 30–35 पर्यटकांशी संपर्क, सुरक्षिततेबाबत प्रशासनाच्या हालचाली सुरू
- सांगली मनपाच्या पहिल्या महासभेत मोठा निर्णय; 30 कोटींच्या नाट्यगृहाला मंजुरी, स्थायी समिती गठीत
