सांगली : सांगलीवाडी येथील फल्ले मंगल कार्यालयाजवळ अन्न व औषध प्रशासनाने (FDA) मोठी कारवाई करत महाराष्ट्रात प्रतिबंधित असलेला सुगंधी तंबाखू व पानमसाल्याचा सुमारे 30 लाख 90 हजार 440 रुपयांचा साठा जप्त केला आहे. या प्रकरणी एका तरुणाला अटक करण्यात आली असून, इतर संशयितांविरोधात गुन्हा दाखल करण्यात आला आहे.
अन्न सुरक्षा अधिकारी अशोक इलेगर यांना शुक्रवारी सायंकाळी प्रतिबंधित तंबाखू व पानमसाल्याची बेकायदेशीर वाहतूक सुरू असल्याची गोपनीय माहिती मिळाली होती. त्यानुसार सांगलीवाडी परिसरात सापळा रचून पिकअप जीप (MH 10 CR 6460) थांबवण्यात आली.
तपासादरम्यान वाहनातील पोती आणि बॉक्स तपासले असता त्यामध्ये 41 मोठी पोती आणि 21 मोठे बॉक्स भरून सुगंधी तंबाखू व पानमसाला आढळून आला. सदर माल महाराष्ट्रात विक्रीस प्रतिबंधित असल्याने पुढील कारवाईसाठी वाहन सांगली शहर पोलीस ठाण्यात नेण्यात आले.
या प्रकरणी वाहन चालक विश्वास भारत शिंदे (वय 25, सध्या रा. मिरज एमआयडीसी, मूळ रा. बेवनूर, ता. जत) याला अटक करण्यात आली आहे. तसेच संशयित उत्पादक आनंदकुमार परशुराम बालदी, जितेंद्र कुमार प्रजापती आणि संशयित पुरवठादार उमेश पाटील (कुडची) व अतुल कश्यप (हुबळी) यांच्याविरोधात गुन्हा दाखल करण्यात आला आहे.
जप्त करण्यात आलेल्या प्रतिबंधित तंबाखू, पानमसाला साठ्यासह पिकअप जीप असा एकूण 30.90 लाख रुपयांचा मुद्देमाल पोलिसांनी ताब्यात घेतला आहे. सांगली शहर पोलीस या प्रकरणाचा पुढील तपास करत आहेत.
हेही वाचा: ऊसतोड मजूर पुरवण्याचे आमिष; वाहतूकदाराची साडेआठ लाखांची फसवणूक; मुकादमावर गुन्हा दाखल.
- विश्रामबाग मंगळवार बाजार चौकात नाला तुंबण्याची भीती; नाल्यात झाडी वाढल्याने सांडपाण्याच्या प्रवाहात अडथळा
- जतचा दुष्काळ लवकरच संपणार? 65 गावांना पाणी, 26,500 हेक्टर सिंचनाचा मार्ग मोकळा
- राज्यात 2000 नवीन ग्रंथालयांना मान्यता; सांगलीतील ग्रंथोत्सवात पालकमंत्र्यांची घोषणा
- आटपाडीत दुकानफोडी; दिघंचीतील इलेक्ट्रिकल दुकान फोडून 70 हजारांचा माल लंपास
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
