सांगली : राज्य निवडणूक आयोगाने राज्यातील 12 जिल्हा परिषदा व त्याअंतर्गत 125 पंचायत समित्यांच्या सार्वत्रिक निवडणुकांचा कार्यक्रम जाहीर केला आहे. त्यानुसार सांगली जिल्हा परिषद व आटपाडी, जत, खानापूर (विटा), कडेगाव, तासगाव, कवठेमहांकाळ, पलूस, वाळवा–ईश्वरपूर, शिराळा आणि मिरज या दहा पंचायत समित्यांसाठी निवडणूक प्रक्रिया राबविण्यात येणार आहे.
या निवडणुकीसाठी 5 फेब्रुवारी 2026 रोजी मतदान तर 7 फेब्रुवारी 2026 रोजी मतमोजणी होणार असल्याची माहिती जिल्हाधिकारी तथा जिल्हा निवडणूक अधिकारी अशोक काकडे यांनी दिली. निवडणूक कार्यक्रम जाहीर झाल्यापासून संबंधित क्षेत्रात आदर्श आचारसंहिता लागू झाली असून, निकाल जाहीर होईपर्यंत ती अंमलात राहणार आहे.
जिल्हाधिकारी अशोक काकडे यांनी सांगितले की, सांगली जिल्ह्यात 61 गट आणि 122 गणांमध्ये जिल्हा परिषद व पंचायत समितीची निवडणूक होणार आहे. यासाठी एकूण 18 लाख 18 हजार 736 मतदार असून, 2039 मतदान केंद्रांवर मतदान प्रक्रिया पार पडणार आहे. मतदान निर्भय, मुक्त आणि पारदर्शक वातावरणात होण्यासाठी प्रशासनाकडून आवश्यक तयारी करण्यात आली आहे.
निवडणूक प्रक्रियेच्या प्रभावी अंमलबजावणीसाठी प्रत्येक तालुकास्तरावर प्रांताधिकारी किंवा तहसीलदार यांची निवडणूक निर्णय अधिकारी म्हणून नेमणूक करण्यात येत असल्याचेही त्यांनी स्पष्ट केले. या कालावधीत सर्व संबंधितांनी आदर्श आचारसंहितेचे तंतोतंत पालन करावे आणि निवडणूक शांततेत पार पाडण्यासाठी प्रशासनास सहकार्य करावे, असे आवाहन त्यांनी केले आहे.
निवडणूक कार्यक्रम (सविस्तर वेळापत्रक)
मतदार यादी ग्राह्य धरण्याची तारीख: 1 जुलै
निवडणूक कार्यक्रम प्रसिद्धी: 16 जानेवारी 2026
नामनिर्देशन अर्ज सादर:
16 ते 20 जानेवारी 2026 (सकाळी 11 ते दुपारी 3)
21 जानेवारी 2026 (सकाळी 11 ते दुपारी 2)
(18 जानेवारी – रविवार सुट्टी)
नामनिर्देशन छाननी: 22 जानेवारी 2026 (सकाळी 11 पासून)
वैधरित्या उमेदवारांची यादी: 22 जानेवारी 2026 (छाननीनंतर)
उमेदवारी मागे घेणे:
23, 24 व 27 जानेवारी 2026 (सकाळी 11 ते दुपारी 3)
(25 जानेवारी रविवार, 26 जानेवारी प्रजासत्ताक दिन – सुट्टी)
निशाणी वाटप व अंतिम यादी: 27 जानेवारी 2026 (दुपारी 3.30 नंतर)
मतदान: 5 फेब्रुवारी 2026 (सकाळी 7.30 ते सायं. 5.30)
मतमोजणी: 7 फेब्रुवारी 2026 (सकाळी 10 पासून)
निवडून आलेल्या सदस्यांची राजपत्रात घोषणा: 10 फेब्रुवारी 2026 पर्यंत.
हेही वाचा: जिल्हा परिषद–पंचायत समिती निवडणुकीच्या पार्श्वभूमीवर हत्यारे व दारुगोळा बाळगण्यास मनाई.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
