सांगली : मिरज तालुक्यातील कवलापूर येथे दहा दिवसांपूर्वी झालेल्या जबरी चोरीच्या प्रकरणाचा छडा लावण्यात सांगली स्थानिक गुन्हे अन्वेषण शाखेच्या पथकाला यश आले आहे. या प्रकरणात अनिकेत अरुण मोहिते (वय 26) आणि राजेश संभाजी काटकर (वय 29, दोघे रा. कवलापूर, ता. मिरज) या दोघांना अटक करण्यात आली असून, त्यांच्याकडून सुमारे १ लाख ४६ हजार रुपयांचा मुद्देमाल जप्त करण्यात आला आहे.
पोलिसांकडून मिळालेल्या माहितीनुसार, तासगाव तालुक्यातील मणेराजुरी येथील प्रतीक दिनेश पवार यांना ५ जानेवारी रोजी पत्ता विचारण्याच्या बहाण्याने दोघा संशयितांनी त्यांच्यावर तात्पुरते बेशुद्ध करणारा स्प्रे फवारून त्यांच्याकडील मोबाईल फोन, रोख रक्कम आणि दुचाकी घेऊन आरोपींनी घटनास्थळावरून पलायन केले होते.
या घटनेनंतर पोलीस अधीक्षक संदीप घुगे आणि अप्पर पोलीस अधीक्षक कल्पना बारवकर यांनी स्थानिक गुन्हे अन्वेषण शाखेचे निरीक्षक संजीव झाडे यांना तपासाबाबत सूचना दिल्या. त्यानुसार सहायक पोलीस निरीक्षक पंकज पवार यांच्या नेतृत्वाखाली पथक तपास करत होते.
दरम्यान, पथकाला मिळालेल्या गोपनीय माहितीनुसार, संबंधित जबरी चोरीतील संशयित सूतगिरणी चौक ते यशवंतनगर रस्त्याच्या परिसरात असल्याची माहिती मिळाली. त्यानुसार पोलिसांनी तातडीने कारवाई करत दोघांना ताब्यात घेतले. चौकशीत त्यांनी सदर जबरी चोरी केल्याची कबुली दिल्याचे पोलिसांनी सांगितले.
स्थानिक गुन्हे अन्वेषण शाखेकडून या प्रकरणात पुढील तपास सुरू असून, आणखी काही गुन्ह्यांचा उलगडा होण्याची शक्यता वर्तवली जात आहे.
हेही वाचा: जिल्हा परिषद–पंचायत समिती निवडणूक कार्यक्रम जाहीर; 5 फेब्रुवारीला मतदान, 7 फेब्रुवारीला मतमोजणी.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
