सांगली : कडेगाव तालुक्यातील वाजेगाव येथे तीन महिन्यांपूर्वी बंद घर फोडून दागिने चोरण्याच्या प्रकरणाचा स्थानिक गुन्हे अन्वेषण शाखेने छडा लावला असून, रचित ऊर्फ डोक्या इन्कलाब काळे (वय 20, रा. हनुमानगर, ईश्वरपूर) याला अटक करण्यात आली आहे.
वाजेगाव येथील सुमन बाबुराव माने यांच्या बंद घरातून 2 ते 7 डिसेंबरदरम्यान सोन्या-चांदीचे दागिने चोरीला गेल्याची तक्रार चिंचणी-वांगी पोलिस ठाण्यात दाखल झाली होती. या गुन्ह्याचा समांतर तपास स्थानिक गुन्हे अन्वेषण पथकाकडून सुरू होता.
तांत्रिक माहितीच्या आधारे आरोपीचा सहभाग उघड झाल्यानंतर सहायक पोलिस निरीक्षक सिकंदर वर्धन यांच्या पथकाने त्याला ताब्यात घेतले. चौकशीत आरोपीने दुचाकीवरून वाजेगाव येथे जाऊन घरफोडी केल्याची कबुली दिली. चोरीतील रोकड खर्च झाल्याचेही त्याने सांगितले.
या कारवाईत आरोपीकडून १ लाख ६६ हजार रुपयांचे सोन्या-चांदीचे दागिने तसेच गुन्ह्यात वापरलेली दुचाकी असा एकूण २ लाख ७१ हजार ९५० रुपयांचा मुद्देमाल जप्त करण्यात आला आहे. आरोपीला पुढील कारवाईसाठी चिंचणी-वांगी पोलिसांच्या ताब्यात देण्यात आले आहे.
पोलिस नोंदीनुसार रचित ऊर्फ डोक्या काळे हा सराईत गुन्हेगार असून, त्याच्यावर सांगली व कोल्हापूर जिल्ह्यात यापूर्वीही गुन्हे दाखल आहेत.
हेही वाचा: माधवनगर परिसरात महिलेचा संशयास्पद मृत्यू; पोलिसांकडून तपास सुरू.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
