सांगली : सांगली जिल्ह्यात जिल्हा परिषद व पंचायत समिती निवडणुकांसाठी राजकीय हालचालींना वेग आला असून भारतीय जनता पार्टीकडे इच्छुक उमेदवारांचा मोठा प्रतिसाद दिसून येत आहे. भाजपकडून सुरू करण्यात आलेल्या इच्छुक उमेदवारांच्या मुलाखतींच्या पहिल्याच दिवशी तब्बल 564 इच्छुक उमेदवारांचे अर्ज प्राप्त झाले आहेत.
भाजपकडून जिल्हा परिषद व पंचायत समिती निवडणुकांसाठी इच्छुक उमेदवारांच्या मुलाखतींची प्रक्रिया सुरू करण्यात आली असून, पहिल्याच दिवशी तासगाव, कवठेमहांकाळ, आटपाडी, खानापूर, शिराळा, कडेगाव आणि पलूस या सात तालुक्यांमधून मोठ्या संख्येने इच्छुकांनी सहभाग नोंदवला.
यामध्ये पंचायत समितीसाठी 340 तर जिल्हा परिषदेसाठी 224 अर्ज प्राप्त झाले असून, एकूण अर्जांची संख्या 564 इतकी आहे. इच्छुक उमेदवारांचा हा प्रतिसाद पाहता भाजपकडून आगामी निवडणुकांसाठी जोरदार तयारी सुरू असल्याचे स्पष्ट होत आहे.
या मुलाखती प्रक्रियेदरम्यान भाजप सांगली जिल्हाध्यक्ष सम्राटबाबा महाडीक, आमदार गोपीचंद पडळकर, आमदार सत्यजितभाऊ देशमुख, माजी आमदार पृथ्वीराजबाबा देशमुख, माजी जिल्हाध्यक्ष दीपकबाबा शिंदे, सांगली जिल्हा मध्यवर्ती बँकेचे संचालक संग्रामभाऊ देशमुख, क्रांती कारखान्याचे अध्यक्ष शरदभाऊ लाड, पश्चिम महाराष्ट्र संघटन मंत्री मकरंदभाऊ देशपांडे, माजी जिल्हा परिषद अध्यक्ष अमरसिंह देशमुख, जिल्हा सरचिटणीस विलास काळेबाग यांच्यासह पक्षाची कोअर कमिटी उपस्थित होती.
भाजपकडून पारदर्शक, शिस्तबद्ध आणि गुणवत्ताधारित निवड प्रक्रिया राबवली जात असून, आगामी निवडणुकांमध्ये नव्या नेतृत्वासह अधिक मजबूतपणे मैदानात उतरण्याचे संकेत यावेळी देण्यात आले.
हेही वाचा: मिरजमध्ये आमदार सुरेश खाडे यांच्या उपस्थितीत अनेक मान्यवरांचा भाजपमध्ये पक्षप्रवेश.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
