सांगली : मतमोजणीनंतर शहरात हुल्लडबाजी व बेदरकारपणे वाहन चालवणाऱ्यांविरोधात सांगली पोलिसांनी कडक कारवाई केली आहे. निष्काळजीपणे दुचाकी चालवणाऱ्या तब्बल 328 दुचाकीस्वारांवर कारवाई करण्यात आली असून, त्यांच्याकडून एकूण 48,200 रुपयांचा दंड वसूल करण्यात आला आहे.
मतमोजणीनंतर शहरात गोंधळ, वेगात वाहन चालवणे व नियमभंगाच्या तक्रारी वाढल्यानंतर पोलिसांनी सीसीटीव्ही कॅमेऱ्यांच्या मदतीने ही कारवाई मोहीम राबवली. वाहतूक नियमांचे उल्लंघन, बेदरकार वाहन चालवणे आणि सार्वजनिक सुरक्षेला धोका निर्माण करणाऱ्या दुचाकीस्वारांना लक्ष्य करून ही कारवाई करण्यात आली.
शहरातील कायदा व सुव्यवस्था अबाधित ठेवण्यासाठी पुढील काळातही अशाच प्रकारची कडक कारवाई सुरू राहणार असल्याचा इशारा पोलिस प्रशासनाने दिला आहे. दरम्यान, नागरिकांनी वाहतूक नियमांचे पालन करावे, असे आवाहनही पोलिसांकडून करण्यात आले.
हेही वाचा: मिरज तालुका काँग्रेस कमिटीची आढावा बैठक; उमेदवारांच्या मुलाखती सुरु.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
