सांगली : सांगली महानगरपालिकेची सार्वत्रिक निवडणूक नुकतीच पार पडली असून जनतेने नव्या चेहऱ्यांना निवडून दिले आहे. या निवडणुकीनंतर आता महापालिकेच्या महापौर पदाच्या आरक्षण सोडतीकडे सर्वांचे लक्ष लागले आहे. राज्यातील सर्व महापालिकांच्या महापौर पदासाठीची आरक्षण सोडत येत्या गुरुवारी मुंबई येथे चिठ्ठीद्वारे होणार असल्याची माहिती समोर आली आहे.
या सोडतीतून सांगली महापालिकेचे महापौर पद कोणत्या प्रवर्गासाठी राखीव राहणार हे स्पष्ट होणार असून, त्यानंतरच सत्तास्थापनेची आणि महापौर निवडीची अंतिम दिशा ठरणार आहे. आरक्षणाच्या निकालावर सर्वच राजकीय पक्षांची पुढील रणनीती अवलंबून राहणार आहे.
निवडणुकीत भाजपने सर्वाधिक 39 जागा जिंकत सर्वात मोठा पक्ष म्हणून स्थान मिळवले आहे. त्यामुळे महापौर पदावर भाजपचा उमेदवार विराजमान होण्याची शक्यता राजकीय वर्तुळात व्यक्त होत आहे. मात्र, महापौर पदाचे आरक्षण कोणत्या प्रवर्गासाठी जाहीर होते, यावर अंतिम निर्णय अवलंबून राहणार आहे.
दरम्यान, महापौर पदाच्या निवडीसाठी पक्षांतर्गत हालचालींना वेग आला असून, इच्छुक नगरसेवकांची नावे चर्चेत आहेत. आरक्षण जाहीर होताच उमेदवारी निश्चित करण्यासाठी संबंधित पक्षांकडून हालचाली अधिक तीव्र होण्याची शक्यता आहे.
दुसरीकडे, काँग्रेससह विरोधी पक्षांनीही महापौर पदासाठी आपली पुढील भूमिका आरक्षणाच्या निकालानंतर ठरवण्याचे संकेत दिले आहेत. नगरविकास विभागाने यापूर्वीच प्रशासनाकडून महापालिकेतील महापौर पदाच्या आरक्षणाबाबतची माहिती मागवली होती.
राज्यातील एकूण 29 महापालिकांच्या महापौर पदासाठी आरक्षण सोडत होणार असून, त्यापैकी सुमारे 50 टक्के म्हणजेच 15 महापालिकांचे महापौर पद महिलांसाठी राखीव राहण्याची शक्यता आहे. सांगली महापालिकेत यापूर्वी ओबीसी महिला अनुसूचित जाती ओबीसी पुरुष या प्रवर्गासाठी आरक्षण लागू झाले होते. यावेळी सर्वसाधारण महिला व अनुसूचित जाती महिला या दोन प्रवर्गासाठी आरक्षण निघण्याची शक्यता वर्तवली जात आहे.
आरक्षण सोडतीचा निकाल जाहीर झाल्यानंतरच सांगली महापालिकेतील सत्तासमीकरण आणि महापौर पदाचा चेहरा स्पष्ट होणार आहे.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
