सांगली : रस्ता सुरक्षेबाबत जनजागृती करण्याच्या उद्देशाने सांगली शहरात रस्ता सुरक्षा अभियान 2026 अंतर्गत भव्य वॉकेथॉनचे आयोजन करण्यात आले. उप प्रादेशिक परिवहन कार्यालय (RTO), सांगली यांच्या वतीने आयोजित या उपक्रमाला विविध शाळांमधील विद्यार्थ्यांचा उत्स्फूर्त प्रतिसाद मिळाला.
या वॉकेथॉनचा शुभारंभ जिल्हा परिषद सांगलीचे मुख्य कार्यकारी अधिकारी विशाल सविता तेजराव नरवाडे (IAS) यांनी हिरवा झेंडा दाखवून केला. शहरातील प्रमुख मार्गांवरून ही शिस्तबद्ध रॅली काढण्यात आली होती. विद्यार्थ्यांनी “रस्ता सुरक्षा, जीवन रक्षा” असा संदेश देत नागरिकांमध्ये जनजागृती केली.
वॉकेथॉनमध्ये सहभागी विद्यार्थ्यांनी वाहतूक नियमांचे पालन, हेल्मेट व सीटबेल्टचा वापर, वेगमर्यादा आणि सुरक्षित वाहनचालन याबाबत संदेशफलक हातात घेतले होते. वॉकेथॉनमध्ये शहरातील विविध शाळांमधील विद्यार्थ्याचा मोठ्या प्रमाणावर सहभाग दिसून आला.
प्रशासनाकडून रस्ता सुरक्षेबाबत सातत्याने जनजागृती उपक्रम राबवले जात असून, अशा कार्यक्रमांमुळे मुलांना लहान वयातच वाहतूक नियमांचे महत्त्व समजण्यास मदत होते, असे यावेळी नमूद करण्यात आले. नागरिकांनीही रस्ता सुरक्षेच्या नियमांचे पालन करावे, असे आवाहन उप प्रादेशिक परिवहन कार्यालयाकडून करण्यात आले.
हेही वाचा: सांगली जिल्हा बँक दरोडा प्रकरणी चार आरोपी अटकेत; ३.२५ कोटींचा मुद्देमाल जप्त.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
