सांगली : मिरज तालुक्यातील हरिपूर येथील प्रसिद्ध व पुरातन बागेतील गणपती मंदिरात आज (गुरुवार, २२ जानेवारी) रोजी गणेश जन्मकाळ उत्सव भक्तिभावात साजरा होत आहे. कृष्णा-वारणा नद्यांच्या संगमाजवळ वसलेल्या या मंदिरात सकाळपासून विविध धार्मिक कार्यक्रमांचे आयोजन करण्यात आले असून, भाविकांची मोठी उपस्थिती पाहायला मिळत आहे.
मंदिर परिसर दाट झाडीने वेढलेला असल्याने या देवस्थानाला ‘बागेतील गणपती’ म्हणून ओळखले जाते. धार्मिक श्रद्धेसोबतच हे स्थळ निसर्गरम्य पिकनिक स्पॉट म्हणूनही सांगली जिल्ह्यात लोकप्रिय आहे.
मंदिर प्रशासनाकडून देण्यात आलेल्या माहितीनुसार, आज पहाटे पाच वाजल्यापासून अभिषेकास सुरुवात झाली असून सकाळी आठ वाजता आरती पार पडली. सकाळी दहा वाजता ह.भ.प. ओम महाराज यांचे गणेश जन्मकाळ कीर्तन आयोजित करण्यात आले आहे. दुपारी १२.०५ वाजता गणेश जन्मकाळ विधी होणार असून त्यानंतर भाविकांसाठी महाप्रसादाचे आयोजन करण्यात आले आहे.
गेल्या काही दिवसांपासून गणेश जन्मकाळ उत्सवानिमित्त मंदिरात अभिषेक, भजन, गणेशयाग, संगीत व अभंगवाणी कार्यक्रमांचे आयोजन करण्यात आले होते. या उत्सव काळात सांगली, मिरज व आसपासच्या परिसरातून भाविक मोठ्या संख्येने दर्शनासाठी येत आहेत.
हेही वाचा: रस्ता सुरक्षा अभियान 2026 अंतर्गत सांगलीत भव्य वॉकेथॉन; विविध शाळांमधील शेकडो विद्यार्थ्यांचा सहभाग.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
