सांगली : शहरातील धामणी रस्त्यावर असलेल्या मयूर नर्सरीला लागलेल्या आगीत एका तरुण महिलेचा होरपळून मृत्यू झाल्याची घटना शुक्रवारी रात्री घडली. निकिता शिव मनगुळे-लोंढे (वय २५, रा. कागवाड, जि. बेळगाव) असे मृत महिलेचे नाव असून, विश्रामबाग पोलीस या घटनेचा तपास करत आहेत.
प्राथमिक माहितीनुसार, शुक्रवारी रात्री साडेदहा वाजण्याच्या सुमारास नर्सरीतीला आग लागली. आगीमुळे नर्सरीतील साहित्य व झाडे जळून खाक झाली. या आगीमुळे नर्सरीतील पत्र्याच्या शेडमध्ये राहात असणारी निकिता मनगुळे-लोंढे ही महिला होरपळून गंभीर जखमी झाल्याने तिचा मृत्यू झाला.
घटनेची माहिती मिळताच महापालिकेच्या अग्निशमन विभागाने तातडीने घटनास्थळी धाव घेत आग आटोक्यात आणली. दरम्यान, आगीच्या वेळी मृत महिलेचा पती घटनास्थळी नसल्याची माहिती समोर आली असून, तो त्या वेळी नेमका कुठे होता, याचा तपास पोलीस करत आहेत.
मृत महिलेचा मृतदेह उत्तरीय तपासणीसाठी सांगलीच्या शासकीय रुग्णालयात पाठवण्यात आला आहे. आगीचे नेमके कारण अद्याप स्पष्ट झालेले नसून, शॉर्टसर्किट, अपघात किंवा अन्य कारणांबाबत पोलीस विविध शक्यता तपासत आहेत.
घटनेचे नेमके कारण अद्याप स्पष्ट झाले नसून, घटनास्थळाची पाहणी, साक्षीदारांचे जबाब आणि तांत्रिक तपासाच्या आधारे पुढील कारवाई केली जाणार असल्याची माहिती पोलिसांनी दिली आहे.
हेही वाचा: सांगलीतील लाडक्या बहिणींसाठी आनंदाची बातमी.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
