सांगली : सांगली महापालिकेत सत्ता स्थापनेसाठी भाजपच्या राजकीय हालचाली सुरु आहेत. महापालिका निवडणुकीत भाजप सर्वात मोठा पक्ष ठरला असला तरी स्पष्ट बहुमतासाठी भाजपाला केवळ एका जागेची कमतरता असल्याने सत्ता स्थापनेसाठी विविध पर्यायांचा विचार सुरू असल्याचे सांगितले जात आहे.
सूत्रांनी दिलेल्या माहितीनुसार, भाजपकडून शिवसेना तसेच राष्ट्रवादी काँग्रेस (शरदचंद्र पवार गट) यांच्यातील काही नगरसेवकांशी प्राथमिक पातळीवर चर्चा झाल्याची माहिती आहे. मात्र, या चर्चांबाबत कोणतीही अधिकृत भूमिका अद्याप समोर आलेली नाही.
दरम्यान, राष्ट्रवादी काँग्रेस (शरदचंद्र पवार गट)चे नवनिर्वाचित नगरसेवक अभिजीत कोळी यांनी या संदर्भात आपली भूमिका स्पष्ट केली आहे. त्यांनी सांगितले की, निवडणूक जिंकल्यानंतर ते सध्या सांगलीवाडी परिसरातील स्थानिक प्रश्नांवर लक्ष केंद्रित करत असून, सत्तेत असो वा नसो, लोकांसाठीच काम केले जाईल. महापालिकेत सत्तेत सहभागी व्हायचे की नाही, याचा अंतिम निर्णय पक्षाचे वरिष्ठ नेते आमदार जयंत पाटील, विशाल पाटील आणि विश्वजित कदम घेतील, असेही त्यांनी स्पष्ट केले.
सांगली महापालिका निवडणुकीत भाजपने 39 जागा जिंकत सर्वात मोठा पक्ष म्हणून स्थान मिळवले आहे. मात्र, बहुमताचा आकडा गाठण्यासाठी भाजपला अजून एका नगरसेवकाच्या पाठिंब्याची आवश्यकता आहे. त्यामुळेच सध्या सांगली महापालिकेत सत्ता स्थापनेसाठी भाजपकडून विविध पक्षांशी चर्चा सुरू असल्याचे राजकीय वर्तुळात बोलले जात आहे.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
