सांगली : सांगली जिल्ह्यात ग्रामीण भागातील अनेक कुटुंबांसाठी हृदयविकार, कॅन्सर, मूत्रपिंड रोपण किंवा मेंदू-मणक्याच्या शस्त्रक्रियेचा खर्च मोठी आर्थिक अडचण ठरत आहे. अशा परिस्थितीत सांगली जिल्हा परिषदेकडून गरजू रुग्णांसाठी ‘मा. लोकनेते राजारामबापू पाटील आर्थिक मदत योजना’ राबवली जात आहे.
सांगली जिल्हा परिषदेच्या स्वीय निधीतून सुरु असलेल्या या योजनेअंतर्गत, ग्रामीण भागातील गरीब व गरजू रुग्णांना दुर्धर आजारांच्या उपचारासाठी 15 हजार रुपयांची आर्थिक मदत दिली जाते. हृदयशस्त्रक्रिया, कॅन्सर उपचार, मूत्रपिंड रोपण, मेंदू व मणक्याच्या शस्त्रक्रियांचा यामध्ये समावेश आहे.
ही मदत घेण्यासाठी उपचार शासनमान्य रुग्णालयात करणे आवश्यक असून, खर्चाचे कोटेशन किंवा डिस्चार्ज प्रमाणपत्र सादर करणे बंधनकारक आहे. तसेच लाभार्थी सांगली जिल्ह्यातील ग्रामीण भागातील रहिवासी असणे आवश्यक आहे. आरोग्य विभाग, जिल्हा परिषद सांगलीमार्फत ही योजना राबवली जाते.
या योजनेसाठी अर्ज करताना रहिवाशी दाखला, उत्पन्नाचा दाखला, रेशनकार्ड, रुग्णालयाचे कागदपत्र आणि बँक पासबुक इत्यादी कागदपत्रांची आवश्यकता असते. अधिक माहितीसाठी लाभार्थ्यांनी आपल्या जवळच्या प्राथमिक आरोग्य केंद्राशी संपर्क साधावा, असे आवाहन जिल्हा परिषद प्रशासनाकडून करण्यात आले आहे.
दरम्यान, वाढत्या वैद्यकीय खर्चाच्या पार्श्वभूमीवर ही रक्कम अपुरी वाटू शकते; मात्र उपचारासाठी आर्थिक अडचणीत सापडलेल्या ग्रामीण भागातील अनेक कुटुंबांसाठी ही मदत महत्त्वाचा आधार ठरू शकते, असे मत आरोग्य क्षेत्रातील जाणकार व्यक्त करत आहेत.
हेही वाचा: सांगली जिल्हा मध्यवर्ती सहकारी बँकेने सोनेतारण कर्जाची मर्यादा वाढवली; १ फेब्रुवारीपासून नवे दर लागू.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
