सांगली : सांगली जिल्हा मध्यवर्ती सहकारी बँक लि., सांगली यांनी सोनेतारण कर्जाच्या मूल्यांकन दरात सुधारणा करण्याचा निर्णय घेतला आहे. बँकेच्या अधिकृत परिपत्रकानुसार हे सुधारित दर १ फेब्रुवारी २०२६ पासून लागू होणार असून, ते नव्याने मंजूर होणाऱ्या सोनेतारण कर्ज खात्यांनाच लागू राहतील.
बँकेने जाहीर केलेल्या माहितीनुसार, सध्याचा सोन्याचा बाजारभाव प्रति १० ग्रॅम ₹1,69,044 धरून कर्ज मूल्यांकन करण्यात येणार आहे. त्यानुसार
- चोख सोन्यासाठी प्रति ग्रॅम ₹10,000 म्हणजेच प्रति 10 ग्रॅम कमाल ₹1,00,000,
- तर लाखी सोन्यासाठी प्रति ग्रॅम ₹7,600 म्हणजेच प्रति 10 ग्रॅम कमाल ₹76,000 इतक्या मर्यादेपर्यंत कर्ज उपलब्ध होणार आहे.
या निर्णयामुळे ग्राहक, शेतकरी आणि सामान्य नागरिकांना सोनेतारण कर्जाच्या माध्यमातून अधिक भांडवल उपलब्ध होण्यास मदत होणार आहे. बँकेने सर्व शाखांना या बदलाची माहिती नोटीस बोर्ड व प्रसिद्धी फलकांवर प्रदर्शित करण्याचे निर्देश दिले आहेत.
हेही वाचा: सांगलीतील अनुसूचित जातीच्या शेतकऱ्यांसाठी मोठी संधी! विहीर, पंप, सोलर व सिंचनासाठी लाखोंचे अनुदान.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
