सांगली : सांगली–मिरज–कुपवाड महापालिकेच्या महापौरपदासाठी भाजपचे धीरज सूर्यवंशी तर उपमहापौरपदासाठी राष्ट्रवादी काँग्रेस (अजित पवार गटा)चे गजानन मगदूम यांच्या नावांची घोषणा पालकमंत्री चंद्रकांत पाटील यांनी केली. त्यानंतर दोघांनीही आपले उमेदवारी अर्ज दाखल केले.
महापौर व उपमहापौर पदासाठी उमेदवारी अर्ज दाखल करण्याचा बुधवारी शेवटचा दिवस होता. पालकमंत्री चंद्रकांत पाटील यांच्या उपस्थितीत सकाळी भाजप आणि राष्ट्रवादीच्या नेत्यांची बैठक झाली. त्यानंतर झालेल्या चर्चेनंतर दोन्ही पदांसाठी उमेदवार निश्चित करण्यात आले, अशी माहिती देण्यात आली.
दरम्यान, काँग्रेसकडून महापौरपदासाठीच्या हालचाली सुरू असतानाच अखेर काँग्रेसकडून निवडणूक न लढवण्याचा निर्णय घेण्यात आला. त्यामुळे महापौर व उपमहापौर पदासाठी धीरज सूर्यवंशी आणि गजानन मगदूम यांचेच अर्ज राहिल्याने दोन्ही पदांसाठी बिनविरोध निवड निश्चित झाली आहे.
१० फेब्रुवारी रोजी होणाऱ्या विशेष सभेत या निवडीची औपचारिक घोषणा केली जाणार आहे.
हेही वाचा: ७ फेब्रुवारीला भरपगारी सुट्टी; न मिळाल्यास येथे नोंदवता येणार तक्रार.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
