मिरज : शहरातील मंगळवार पेठ परिसरात मध्यरात्री उघड्या दरवाजातून घरात प्रवेश करून अज्ञात चोरट्याने सोन्या-चांदीचे दागिने व रोख रक्कम असा सुमारे 9 लाख 64 हजार रुपयांचा ऐवज चोरून नेल्याची घटना उघडकीस आली आहे. या प्रकरणी प्रदीपसिंह बाबूसिंग रजपूत यांनी मिरज शहर पोलिस ठाण्यात फिर्याद दिली आहे.
माहितीनुसार, प्रदीपसिंह रजपूत कुटुंबीयांसह नव्याने बांधलेल्या घरात झोपण्यासाठी गेले असताना जुन्या घरातील काही मौल्यवान वस्तू तिथेच होत्या. दरम्यान, टेरेसकडील दरवाजा उघडा असल्याचा फायदा घेत चोरट्याने घरात प्रवेश केला. त्यानंतर कपाट फोडून सोन्याची माळ, गंठण, मंगळसूत्र, चेन, अंगठ्या आदी सुमारे 13 तोळे सोन्याचे दागिने तसेच चांदीचे विविध साहित्य आणि रोख रक्कम असा मोठा ऐवज लंपास करण्यात आला.
सकाळी घरमालक रजपूत घरी परतल्यानंतर कपाट फोडल्याचे लक्षात आल्यानंतर त्यांनी तातडीने पोलिसांना माहिती दिली. घटनेची माहिती मिळताच पोलिस अधिकाऱ्यांनी घटनास्थळी भेट देऊन पंचनामा केला असून संशयितांचा शोध घेण्यासाठी पोलीस पथके रवाना करण्यात आली आहेत.
प्राथमिक तपासात घराची माहिती असलेल्या व्यक्तीकडून चोरी झाल्याची शक्यता नाकारता येत नसल्याचे पोलिसांनी सांगितले असून पोलिसांकडून सर्व बाजूंनी तपास सुरू आहे.
हेही वाचा: सांगलीतील मोकाट कुत्र्यांच्या समस्येवर उपाय; डॉग शेल्टर व पशू शवदाहिनी प्रकल्पांसाठी 5.88 कोटींचा निधी मंजूर.
- सांगली जिल्ह्यातील शेतकऱ्यांना रब्बी ज्वारीचे बियाणे १००% मोफत; १८ हजार मिनिकीटचे वाटप, महाडीबीटीवर अर्ज करण्याचे आवाहन
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
