सांगली जिल्हा परिषद व पंचायत समिती निवडणूक निकाल 2026 : आज मतमोजणी; 551 उमेदवारांचे भवितव्य ठरणार

सांगली जिल्हा परिषद जागा आणि पंचायत समिती निवडणूक मतमोजणी : प्राथमिक कलानुसार भाजप 8 जागांवर आघाडीवर

सांगली : जिल्हा परिषद व पंचायत समिती निवडणुकीच्या मतमोजणीतील सुरुवातीच्या कलानुसार भाजप आघाडीवर असल्याचे चित्र दिसत आहे. उपलब्ध माहितीनुसार भाजप 8 जागांवर आघाडीवर असून शिवसेना 5, राष्ट्रवादी काँग्रेस (अजित पवार गट) 1, राष्ट्रवादी काँग्रेस (शरद पवार गट) 2, काँग्रेस 1 आणि शिवसेना (उद्धव बाळासाहेब ठाकरे गट) 1 जागेवर आघाडीवर असल्याचे प्राथमिक कल समोर आले आहेत. अधिकृत निकाल टप्प्याटप्प्याने जाहीर होणार आहेत.

पलूस पंचायत समितीत काँग्रेसची एका जागेवर आघाडी

सांगली : जिल्हा परिषद व पंचायत समिती मतमोजणीदरम्यान मिळालेल्या प्राथमिक माहितीनुसार पलूस पंचायत समितीच्या एका जागेवर काँग्रेस उमेदवार आघाडीवर असल्याचे दिसत आहे. अधिकृत आकडेवारी टप्प्याटप्प्याने जाहीर होणार असल्याचे प्रशासनाकडून सांगण्यात आले आहे.

प्राथमिक कल : २२ जागांचे ट्रेंड समोर; भाजप आघाडीवर

सांगली : जिल्हा परिषद व पंचायत समिती मतमोजणीतील उपलब्ध प्राथमिक कलानुसार आतापर्यंत २२ जागांचे ट्रेंड समोर आले आहेत. सुरुवातीच्या कलांमध्ये भाजप आघाडीवर असून शिवसेना कडवी टक्कर देत असल्याचे दिसत आहे.

उपलब्ध आकडेवारीनुसार कल पुढीलप्रमाणे आहे — भाजप ८, शिवसेना ५, राष्ट्रवादी काँग्रेस (अजित पवार गट) ३, राष्ट्रवादी काँग्रेस (शरद पवार गट) २, काँग्रेस २, शिवसेना (उद्धव बाळासाहेब ठाकरे गट) १ आणि इतर १ जागेवर आघाडीवर असल्याचे दिसत आहे.

आटपाडी व तासगाव पंचायत समित्यांचे प्राथमिक कल जाहीर

सांगली : जिल्हा परिषद व पंचायत समिती मतमोजणीदरम्यान मिळालेल्या प्राथमिक माहितीनुसार आटपाडी पंचायत समितीत एकनाथ शिंदे यांच्या शिवसेनेचे उमेदवार २ जागांवर आघाडीवर आहेत.

तासगाव पंचायत समितीत राष्ट्रवादी काँग्रेस (अजित पवार गट) आणि राष्ट्रवादी काँग्रेस (शरद पवार गट) प्रत्येकी १ जागेवर आघाडीवर असल्याची माहिती समोर आली आहे. अधिकृत निकाल टप्प्याटप्प्याने जाहीर होणार आहेत.

नवीन कल : २५ जागांपैकी १२ जागांवर भाजप आघाडीवर

सांगली : जिल्हा परिषद व पंचायत समिती निवडणुकीच्या मतमोजणीतील ताज्या प्राथमिक कलानुसार एकूण २५ जागांपैकी भाजप १२ जागांवर आघाडीवर असल्याचे दिसत आहे.

उपलब्ध आकडेवारीनुसार कल पुढीलप्रमाणे आहेत — शिवसेना ६, राष्ट्रवादी काँग्रेस (अजित पवार गट) १, राष्ट्रवादी काँग्रेस (शरद पवार गट) २, काँग्रेस २, शिवसेना (उद्धव बाळासाहेब ठाकरे गट) १ आणि इतर १ जागेवर आघाडीवर आहेत.

अधिकृत निकाल टप्प्याटप्प्याने जाहीर केले जाणार असून अंतिम आकडेवारी बदलू शकते.

सांगली जिल्हा परिषद पंचायत समिती निवडणुक निकाल २०२६ | नवीन कल : ३५ जागांच्या ट्रेंडमध्ये राष्ट्रवादी शरद पवार गटाची मुसंडी

सांगली : जिल्हा परिषद व पंचायत समिती निवडणुकीच्या मतमोजणीतील ताज्या प्राथमिक कलानुसार एकूण ३५ जागांचे ट्रेंड समोर आले असून राष्ट्रवादी काँग्रेस (शरद पवार गट) पुन्हा आघाडीच्या स्पर्धेत आल्याचे चित्र दिसत आहे.

उपलब्ध माहितीनुसार सध्या भाजप १२, शिवसेना ४, राष्ट्रवादी काँग्रेस (अजित पवार गट) ४, राष्ट्रवादी काँग्रेस (शरद पवार गट) ८, काँग्रेस ६ आणि शिवसेना (उद्धव बाळासाहेब ठाकरे गट) १ जागेवर आघाडीवर असल्याचे प्राथमिक कल दर्शवत आहेत.

अधिकृत निकाल टप्प्याटप्प्याने जाहीर होणार असून अंतिम आकडेवारीत बदल होण्याची शक्यता आहे.

ताजे कल : १६ जागांवर भाजप आघाडीवर; तर राष्ट्रवादी (शरद पवार गट) १० जागांवर

सांगली : जिल्हा परिषद व पंचायत समिती मतमोजणीतील ताज्या प्राथमिक कलानुसार भाजप सध्या १६ जागांवर आघाडीवर आहे. राष्ट्रवादी काँग्रेस (शरद पवार गट) १० जागांवर आघाडीवर असून निकालासाठी चुरशीची लढत सुरू आहे.

उपलब्ध प्राथमिक आकडेवारीनुसार शिवसेना ४, राष्ट्रवादी काँग्रेस (अजित पवार गट) ५, काँग्रेस ९ आणि शिवसेना (उद्धव बाळासाहेब ठाकरे गट) १ जागेवर आघाडीवर असल्याचे समोर आले आहे.

कडेगाव पंचायत समितीत काँग्रेस–भाजपमध्ये चुरशीची लढत; काँग्रेस ५, भाजप ३ जागांवर आघाडीवर

सांगली : कडेगाव पंचायत समिती मतमोजणीत काँग्रेस आणि भाजप यांच्यात चुरशीची लढत सुरू असल्याचे प्राथमिक कल दर्शवत आहेत. उपलब्ध माहितीनुसार काँग्रेस ५ जागांवर, तर भाजप ३ जागांवर आघाडीवर असल्याचे समोर आले आहे.

अधिकृत निकाल टप्प्याटप्प्याने जाहीर होणार असून पुढील फेऱ्यांमध्ये चित्र बदलण्याची शक्यता व्यक्त केली जात आहे.

मिरज पंचायत समिती अपडेट : राष्ट्रवादी (अजित पवार गट) ५ जागांवर आघाडीवर

सांगली : मिरज पंचायत समिती मतमोजणीतील ताज्या प्राथमिक कलानुसार राष्ट्रवादी काँग्रेस (अजित पवार गट) ५ जागांवर आघाडीवर असल्याचे दिसत आहे.

उपलब्ध आकडेवारीनुसार भाजप ३, राष्ट्रवादी काँग्रेस (शरद पवार गट) ३, काँग्रेस २ आणि शिवसेना १ जागेवर आघाडीवर असल्याचे प्राथमिक कल समोर आले आहेत.

अधिकृत निकाल टप्प्याटप्प्याने जाहीर होत असून अंतिम आकडेवारीत बदल होऊ शकतो.

सांगली जिल्ह्यात पंचायत समित्यांमध्ये चुरशीची लढत; जत, शिराळा येथे काट्याची टक्कर

सांगली : जिल्ह्यातील विविध पंचायत समित्यांच्या मतमोजणीत अनेक ठिकाणी चुरशीची लढत सुरू असल्याचे प्राथमिक कल दर्शवत आहेत. जत तालुक्यातील 16 जागांपैकी काँग्रेस सुमारे 7 जागांवर, तर भाजप 6 जागांवर आघाडीवर असल्याचे दिसत आहे.

वाळवा–इस्लामपूर आणि पलूस भागात महाविकास आघाडीतील पक्षांची आघाडी असल्याचे संकेत मिळत आहेत. शिराळा पंचायत समितीत 8 जागांपैकी भाजप आणि राष्ट्रवादी काँग्रेस (शरद पवार गट) प्रत्येकी 3 जागांवर आघाडीवर असल्याने येथेही काट्याची टक्कर सुरू आहे.

दरम्यान, आटपाडी पंचायत समितीत 8 पैकी 6 जागांवर महायुतीतील उमेदवार आघाडीवर असल्याचे प्राथमिक कल समोर आले आहेत. अधिकृत निकाल टप्प्याटप्प्याने जाहीर होत असून अंतिम आकडेवारीत बदल होण्याची शक्यता आहे.

Sangli Zp Election Result 2026 : सांगली जिल्हा परिषद 61 पैकी 54 जागांचे निकाल जाहीर; कुणालाच स्पष्ट बहुमत नाही

सांगली : जिल्हा परिषद निवडणुकीतील आतापर्यंत जाहीर झालेल्या निकालांनुसार 61 पैकी 54 जागांचे निकाल समोर आले आहेत. उपलब्ध आकडेवारीनुसार भाजप सर्वाधिक 16 जागांवर विजयी ठरला असून राष्ट्रवादी काँग्रेस (शरद पवार गट) 15 जागांसह दुसऱ्या क्रमांकावर आहे.

दरम्यान, इतर पक्ष आणि आघाड्यांनाही काही जागा मिळाल्याने सध्या कोणत्याही एकाच पक्षाला स्पष्ट बहुमत मिळालेले नसल्याचे चित्र दिसत आहे.

अंतिम चित्र स्पष्ट : सांगली जिल्हा परिषदेत राष्ट्रवादी (शरद पवार) सर्वात मोठा पक्ष

उपलब्ध अधिकृत आकडेवारीनुसार भाजप दुसऱ्या क्रमांकावर असून कोणत्याही पक्षाला स्पष्ट बहुमत मिळालेले नाही..

सविस्तर बातमी वाचा: Sangli ZP Election Result 2026.