कुपवाड : कुपवाड औद्योगिक वसाहतीमध्ये मोठी फसवणूक झाल्याचे उघडकीस आले असून कुपवाड एमआयडीसीतील एका कंपनीला तब्बल 19 लाख 9 हजार 122 रुपयांचा फटका बसला आहे. पैसे भरल्यानंतरही मालाचा ट्रक पोहोचला नाही, असा प्रकार समोर आला आहे.
भारत इलेक्ट्रिकल कॉन्ट्रॅक्टर अँड मॅन्युफॅक्चरर्स प्रा. लि. या कंपनीने छत्तीसगडमधील भिलाई येथील अरिहंत सेल्स नेटवर्क या पुरवठादाराकडून सुमारे 30 टन लोखंडी तार (जी.आय. वायर, स्टे वायर व बारबेड वायर) खरेदी केली होती. या मालासाठी 9 मार्च 2025 रोजी पूर्ण रक्कम अदा करण्यात आली होती.
मालाने भरलेला ट्रक (क्र. MH 26 BE 3811) कुपवाड एमआयडीसीकडे रवाना करण्यात आल्याचे सांगण्यात आले. मात्र संबंधित ट्रक कुपवाडला पोहोचला नाही. चौकशीदरम्यान हा ट्रक नागपूरजवळील बुटीबोरी परिसरातून परस्पर वळवण्यात आल्याचा संशय व्यक्त करण्यात आला आहे.
याप्रकरणी कंपनीचे व्यवस्थापक संतोष पाटील यांनी कुपवाड पोलिस ठाण्यात तक्रार दिली आहे. त्यानुसार उत्कर्ष जैन (अरिहंत सेल्स नेटवर्क, भिलाई, छत्तीसगड) याच्याविरुद्ध फसवणुकीचा गुन्हा दाखल करण्यात आला आहे. कुपवाड एमआयडीसी पोलिसांकडून ट्रक व मालाचा शोध सुरू आहे.
हेही वाचा: 16 फेब्रुवारीपर्यंतच संधी! सांगली पोलिस भरती गुणांकाबाबत हरकत नोंदवण्यासाठी उरले फक्त 2 दिवस.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
