सांगली : सांगली आणि मिरज शहरातील ‘डार्क स्पॉट’वर नशा आणि मद्यपान करणाऱ्यांविरोधात पोलिसांनी शनिवारी रात्री संयुक्त कारवाई करत एकूण 75 जणांवर दंडात्मक कारवाई केली. सांगली उपविभागात 25 तर मिरज उपविभागात 50 जणांवर कारवाई करण्यात आली.
गेल्या काही दिवसांत नशेतून मारामारी, खुनासारख्या गंभीर घटनांमध्ये वाढ झाल्याच्या पार्श्वभूमीवर पोलिसांनी विशेष मोहीम हाती घेतली आहे. सांगलीतील लिमये मळा परिसरातील घटनेनंतर नागरिकांनी पोलिस प्रशासनाकडे कठोर कारवाईची मागणी केली होती.
सांगली शहर, विश्रामबाग आणि संजयनगर पोलिस ठाण्यांच्या हद्दीत येणाऱ्या विविध ठिकाणी 25 जणांवर कारवाई करण्यात आली. तर मिरज शहर, महात्मा गांधी चौक आणि कुपवाड एमआयडीसी पोलिस ठाण्यांच्या कार्यक्षेत्रात 50 जणांवर कारवाई झाली.
या कारवाईत पोलिस अधीक्षक संदीप घुगे आणि अप्पर पोलिस अधीक्षक कल्पना बारावकर यांच्या मार्गदर्शनाखाली 100 हून अधिक पोलिस अधिकारी व कर्मचारी सहभागी झाले होते.
सार्वजनिक ठिकाणी नशा किंवा मद्यपान करताना आढळल्यास यापुढेही कठोर कारवाई केली जाईल, असा इशारा पोलिस प्रशासनाने दिला आहे.
हेही वाचा: शिवरायांच्या संदर्भातील वक्तव्यावरून सांगलीत राजकीय तापमान वाढले; काँग्रेस भवनसमोर भाजपचा निषेध.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
