कवठेमहांकाळ : कुची (ता. कवठेमहांकाळ) येथील तीन द्राक्ष उत्पादकांना तब्बल 14 लाख 49 हजार 231 रुपयांचा आर्थिक फटका बसला आहे. आंध्र प्रदेशातील व्यापाऱ्यांनी द्राक्षमाल खरेदी करून एका महिन्यात पैसे देण्याचे आश्वासन दिले; मात्र रक्कम न देता टाळाटाळ केल्याने अखेर पोलिसांत गुन्हा दाखल करण्यात आला.
कृष्णदेव पंडित डुबोले (रा. कुची) यांनी कवठेमहांकाळ पोलिस ठाण्यात फिर्याद दिली आहे. त्यानुसार रावलपालम (आंध्र प्रदेश) येथील साई फ्रूट कंपनीचे सिरगम रमेश, सिरगम कोंडलराम आणि सिरगम मुरली कृष्णा यांच्याविरुद्ध फसवणुकीचा गुन्हा दाखल झाला आहे.
तिघांनी फिर्यादींसह इतर दोन शेतकऱ्यांकडून एकूण 21 टनांहून अधिक द्राक्षमालाच्या हजारो पेट्या खरेदी करण्यात आल्या. मालाची एकूण किंमत 14.49 लाख रुपये असून “एका महिन्यात पैसे देतो” असे सांगण्यात आले होते. मात्र वारंवार मागणी करूनही पैसे न मिळाल्याने शेतकऱ्यांनी पोलिसांत धाव घेतली.
दरवर्षी द्राक्ष हंगामात अशा प्रकारच्या फसवणुकीच्या घटना घडत असल्याची चर्चा असून शेतकरी वर्गात नाराजी व्यक्त होत आहे. आरोपींना ताब्यात घेण्यासाठी पोलिस पथक आंध्र प्रदेशात रवाना होणार आहे.
हेही वाचा: समृद्ध पंचायतराज अभियानावर सांगली जिल्हा परिषदेची करडी नजर; कामात कसूर करणाऱ्यांना नोटीसचा इशारा.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
