सांगली : कोल्हापूर रस्ता परिसरात पिस्तूल घेऊन फिरणाऱ्या एका तरुणाला सांगली शहर पोलिसांच्या गुन्हे प्रकटीकरण शाखेने ताब्यात घेतले. आकाश सचिन शिंदे (वय 23, रा. पन्नास फुटी रस्ता, सांगली) असे संशयिताचे नाव आहे.
पोलिसांना संबंधित तरुण शस्त्रासह परिसरात वावरत असल्याची माहिती मिळाल्यानंतर पथकाने सापळा रचला. आणि तरुणास ताब्यात घेतले, तपासणीदरम्यान त्याच्याकडून देशी बनावटीचे पिस्तूल आणि एक काडतूस जप्त करण्यात आले. पिस्तूल आणि एक काडतूसाची अंदाजे किंमत सुमारे ५० हजार रुपये असल्याचे पोलिसांनी सांगितले.
याप्रकरणी शहर पोलिस ठाण्यात गुन्हा दाखल करण्यात आला असून पिस्तूल घेऊन फिरण्यामागील उद्देश काय होता, तसेच ते कुठून आणले, याबाबत सांगली शहर पोलिसांकडून पुढील तपास सुरू आहे. या कारवाईत गुन्हे प्रकटीकरण शाखेचे अधिकारी व कर्मचारी सहभागी होते.
हेही वाचा: तृतीयपंथीयांसाठी रोजगाराचा मार्ग खुला? ‘सांगली पॅटर्न’ अंतर्गत विशेष मेळावा.
- बैलगाडी शर्यतीला गेलेल्या युवकाची मोटारसायकल चोरी; रेठरेधरण येथील घटना
- दिघंची बसस्थानकाजवळील दुकान फोडले; 1.21 लाखांचा ऐवज लंपास
- सांगली महानगरपालिका भरतीच्या नावाने फसवणूक? सोशल मीडियावरील जाहिराती खोट्या
- होळीच्या रात्री पुणे–बेंगलोर महामार्गावर हिट अँड रन; पेठनाक्याजवळ 55 वर्षीय वेटरचा मृत्यू
- इस्राईल-इराण तणाव; दुबईला गेलेल्या कुपवाडमधील 30–35 पर्यटकांशी संपर्क, सुरक्षिततेबाबत प्रशासनाच्या हालचाली सुरू
- सांगली मनपाच्या पहिल्या महासभेत मोठा निर्णय; 30 कोटींच्या नाट्यगृहाला मंजुरी, स्थायी समिती गठीत
