सांगली : विश्रामबाग परिसरातील मंगळवार बाजार चौक येथे रघुवीर अपार्टमेंटसमोरील नाल्यात वाढलेल्या झाडीमुळे सांडपाण्याच्या प्रवाहात अडथळा निर्माण झाला असून नाला तुंबण्याची भीती व्यक्त होत आहे.
या नाल्यातून दिवसभर शहरातील सांडपाणी वाहते. त्यामुळे परिसरातील नागरिकांना आधीच घाण वास आणि डासांच्या प्रादुर्भावाचा त्रास सहन करावा लागतो. आता नाल्याच्या मधोमध झाड वाढल्याने पाण्याचा वेग कमी होत असून कचरा साचत असल्याचे दिसून येत आहे.
सकाळच्या वेळी पाण्याचा प्रवाह वेगात असला तरी वाढलेल्या झाडीमुळे भविष्यात नाला तुंबण्याची शक्यता आहे. वाढलेली झाडी काढून नाला स्वच्छ न केल्यास नाल्यात दूषित पाणी तुंबून रोगराई पसरू शकते, अशी चिंता व्यक्त केली जात आहे.
वाढलेल्या झाडीसोबतच नाल्यात प्लास्टिक व इतर कचराही साठला आहे. महानगरपालिकेने तातडीने झाडी काढून नाल्याची साफसफाई करावी, अशी मागणी परिसरातील नागरिकांकडून करण्यात येत आहे.
हेही वाचा: जतचा दुष्काळ लवकरच संपणार? 65 गावांना पाणी, 26,500 हेक्टर सिंचनाचा मार्ग मोकळा.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
