सांगली : सांगली-मिरज रोडवरील वानलेसवाडी जवळ पाठीमागून आलेल्या दुचाकीने धडक दिल्याने 62 वर्षीय तात्यासाहेब बाळासाहेब पाटील (वय 62) रा. ताराबाई पार्कजवळ कोल्हापूर, यांचा उपचारादरम्यान मृत्यू झाल्याची घटना घडली आहे. ही घटना 28 फेब्रुवारी रोजी सायंकाळी घडली.
पोलिसांकडून मिळालेल्या माहितीनुसार, तात्यासाहेब पाटील हे भारती हॉस्पिटल ते वानलेसवाडी रोडने चालत चालले असताना वानलेसवाडी जवळील हॉटेल पिंगारा समोर मागून आलेल्या दुचाकीस्वाराने त्यांना जोराची धडक दिली. या धडकेत त्यांच्या डोक्याला व हाताला गंभीर दुखापत झाली.
त्यानंतर त्यांना तातडीने मिरज सिव्हिल रुग्णालयात दाखल करण्यात आले, मात्र उपचारादरम्यान 1 मार्च रोजी पहाटे सुमारे 5.30 वाजता त्यांचा मृत्यू झाला.
या प्रकरणी संबंधित दुचाकीस्वार सिद्धांत मनोज बनसोडे (रा. पार्शनाथ नगर मिरज) याच्याविरुद्ध विश्रामबाग पोलिस ठाण्यात गुन्हा नोंदविण्यात आला असून पोलिसांकडून पुढील तपास सुरू आहे.
हेही वाचा: ट्रॉलीला ओव्हरटेक करताना मागून एसटीची धडक; विट्यात 66 वर्षीय व्यक्तीचा मृत्यू.
- सांगली–मिरज रोडवर दुचाकीची पाठीमागून धडक; कोल्हापूरच्या 62 वर्षीय व्यक्तीचा उपचारादरम्यान मृत्यू
- ट्रॉलीला ओव्हरटेक करताना मागून एसटीची धडक; विट्यात 66 वर्षीय व्यक्तीचा मृत्यू
- भाजी महाग, चिकन स्वस्त? सांगलीत गवारीच्या दराने ग्राहक हैराण
- विश्रामबाग मंगळवार बाजार चौकात नाला तुंबण्याची भीती; नाल्यात झाडी वाढल्याने सांडपाण्याच्या प्रवाहात अडथळा
- जतचा दुष्काळ लवकरच संपणार? 65 गावांना पाणी, 26,500 हेक्टर सिंचनाचा मार्ग मोकळा
- राज्यात 2000 नवीन ग्रंथालयांना मान्यता; सांगलीतील ग्रंथोत्सवात पालकमंत्र्यांची घोषणा
