सांगली : सांगली उपप्रादेशिक परिवहन कार्यालयात (RTO) नव्याने नोंदणी होणाऱ्या दुचाकी वाहनांसाठी ‘MH-10 EX’ ही नवीन नोंदणी मालिका 9 मार्च 2026 पासून सुरू करण्यात येणार आहे. अशी माहिती उप प्रादेशिक परिवहन अधिकारी प्रसाद गाजरे यांनी दिली आहे.
सांगली जिल्ह्यातील दुचाकी वाहनांच्या वाढत्या नोंदणीमुळे विद्यमान मालिकेतील क्रमांक संपत आल्याने ही नवी मालिका सुरू करण्यात येत असल्याचे सांगण्यात आले आहे.
दरम्यान, ‘MH-10 EX’ मालिकेसोबतच वाहनधारकांना आकर्षक किंवा पसंतीचे नोंदणी क्रमांक मिळवण्याची सुविधाही उपलब्ध असणार आहे. अशा क्रमांकांसाठी निर्धारित शुल्काच्या तिप्पट फी भरून अर्ज करता येणार असून क्रमांक देताना ‘प्रथम येणाऱ्यास प्रथम प्राधान्य’ या तत्त्वावर नोंदणी करण्यात येईल.
पसंतीच्या क्रमांकासाठी अर्ज करताना आधार कार्ड, मतदार ओळखपत्र, पासपोर्ट किंवा पॅनकार्ड यापैकी कोणत्याही ओळखपत्राची छायांकित प्रत तसेच ई-मेल आयडी देणे आवश्यक आहे. हे क्रमांक ‘वाहन 4.0’ या संगणकीय प्रणालीवर सकाळी 11 ते दुपारी 3 या वेळेत दिले जाणार आहेत.
एखाद्या क्रमांकासाठी एकापेक्षा जास्त अर्ज आल्यास 10 मार्च 2026 रोजी दुपारी 4 वाजेपर्यंत जास्त रकमेचा डिमांड ड्राफ्ट सादर करणाऱ्या अर्जदाराला तो क्रमांक दिला जाईल, असेही RTO कार्यालयाने स्पष्ट केले आहे.
आकर्षक नोंदणी क्रमांक मिळाल्यानंतर 180 दिवसांच्या आत वाहनाची नोंदणी करणे बंधनकारक राहणार असल्याची माहिती उपप्रादेशिक परिवहन कार्यालयाकडून देण्यात आली आहे.
हेही वाचा: बैलगाडी शर्यतीला गेलेल्या युवकाची मोटारसायकल चोरी; रेठरेधरण येथील घटना.
- बंगळुरू-मुंबई स्लीपर वंदे भारतवरून नवा वाद; सांगली-बेळगावला डावलले जाणार?
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
