आटपाडी : सांगली जिल्ह्यातील आटपाडी येथील तरुणांनी तयार केलेल्या ‘फुला’ या मराठी चित्रपटाचा पोस्टर व संगीत प्रकाशन सोहळा उत्साहात पार पडला. ज्येष्ठ पत्रकार आणि एबीपी माझा-एबीपी न्यूजचे सीनियर एक्झिक्युटिव्ह व्हाइस प्रेसिडेंट राजीव खांडेकर तसेच सॅक्सोफोन वादक राज सोडा यांची यावेळी प्रमुख उपस्थिती होती.
वाघ्या-मुरळी परंपरेच्या पार्श्वभूमीवर एका मुलीच्या संघर्षाची कथा या चित्रपटातून मांडण्यात आली आहे. तमाशा फड, जागरण-गोंधळ आणि लोकसंस्कृतीचा वेध घेत ही कथा उभी करण्यात आली आहे.
‘फुला’ चित्रपटाची निर्मिती अजित शिवाजी जाधव यांनी केली असून दिग्दर्शन अभिषेक जावीर यांचे आहे. पटकथा रवीकिरण जावीर यांनी लिहिली असून संगीत दिग्दर्शन समाधान ऐवळे यांनी केले आहे.
चित्रपटात वैशाली सामंत, वैशाली माडे, रोहित राऊत, रवींद्र खोमणे, वैशाली कुलकर्णी, वैष्णवी आदोडे आणि आकाश नवगिरे यांनी गाणी गायली आहेत. चित्रपटात ‘कान्हा तुझी बासरी’, ‘माझा राजा मल्हारी’, ‘आसरा तू माझ्या जीवाचा’, ‘कुंकू कोरलं कपाळी’, ‘मुरळी झाले मी गं बाई’, ‘कपाळी सजलं बाशिंग’ आणि ‘डर्बीचा थरार’ अशी सात गाणी आहेत. लोकसंस्कृतीवर आधारित हा चित्रपट 17 एप्रिलपासून महाराष्ट्रातील चित्रपटगृहांत प्रदर्शित होणार आहे.
हेही वाचा: आष्टा-इस्लामपूर रोडवर भरधाव दुचाकीची धडक; तरुण गंभीर जखमी.
- आटपाडीतील तरुणांचा ‘फुला’ चित्रपट; राजीव खांडेकर यांच्या उपस्थितीत पोस्टर व संगीत प्रकाशन सोहळा
- आष्टा-इस्लामपूर रोडवर भरधाव दुचाकीची धडक; तरुण गंभीर जखमी
- अपघातात मृत्यू झाल्यास शेतकऱ्यांना 2 लाखांची मदत; ‘गोपीनाथ मुंडे शेतकरी अपघात सुरक्षा सानुग्रह अनुदान योजना’
- सांगलीत गॅसचा काळाबाजार रोखण्यासाठी मोठी कारवाई; ३७ एजन्सींची तपासणी, ३ जणांना अटक
- सांगली-मिरज-कुपवाड महापालिकेत समित्यांचे सभापती बिनविरोध; अतुल माने स्थायी समितीचे सभापती
- कडेगाव वांगी हिट अँड रन प्रकरण; जखमी मजुराचा उपचारादरम्यान मृत्यू
