आष्टा : आष्टा-इस्लामपूर रोडवर दुचाकीची धडक होऊन एका तरुणाला गंभीर दुखापत झाल्याची घटना घडली आहे. याप्रकरणी आष्टा पोलिस ठाण्यात दुचाकी चालकाविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, अमर निवृत्ती मोरे (वय 26, रा. चांदोली वसाहत, आष्टा) यांनी फिर्याद दिली आहे. ही घटना 12 मार्च रोजी रात्री सुमारे 9 वाजता आष्टा-इस्लामपूर रोडवरील प्रज्ञेश अॅग्रो सेल्स दुकानाजवळ घडली.
मोरे हे आपल्या मामेभावासोबत दुचाकीवरून जेवणाचे पार्सल आणण्यासाठी गेले होते. त्यावेळी रस्त्याच्या कडेला उभे असताना मागून आलेल्या दुचाकीने जोरदार धडक दिली. या अपघातात मोरे यांच्या डोक्याला, हाताला व पायाला गंभीर दुखापत झाली आहे.
दरम्यान, अपघातानंतर दोघांनाही 108 रुग्णवाहिकेद्वारे आष्टा ग्रामीण रुग्णालयात दाखल करण्यात आले. मोरे यांना पुढील उपचारासाठी सांगली सिव्हिल रुग्णालयात हलवण्यात आले असून विनायक किरण शेखर (रा. इस्लामपूर) याच्याविरुद्ध निष्काळजीपणे वाहन चालवल्याप्रकरणी गुन्हा दाखल करण्यात आला आहे.
हेही वाचा: अपघातात मृत्यू झाल्यास शेतकऱ्यांना 2 लाखांची मदत; ‘गोपीनाथ मुंडे शेतकरी अपघात सुरक्षा सानुग्रह अनुदान योजना’.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
