देवराष्ट्रे (ता. कडेगाव) : देवराष्ट्रे परिसरात शनिवारी दुपारी ऊस तोडणी सुरू असताना एका युवकावर बिबट्याने अचानक हल्ला केल्याची थरारक घटना घडली. मात्र युवकाची प्रसंगावधानता आणि पाळीव कुत्र्यांच्या प्रतिकारामुळे मोठा अनर्थ टळला.
भरत साळुंखे हे शेतात ऊस तोडत असताना जवळच्या झाडीत हालचाल जाणवल्याने त्यांनी पाहणी केली. यावेळी दोन पिल्लांसह दबा धरून बसलेल्या बिबट्याने अचानक त्यांच्यावर झेप घेतली. साळुंखे यांनी प्रसंगावधान राखत हल्ला चुकवला.
याचवेळी साळुंखे यांच्यासोबत असलेल्या रॉटव्हिलर आणि बेल्जियम शेफर्ड जातीच्या दोन पाळीव कुत्र्यांनी बिबट्यावर प्रतिहल्ला केला. कुत्र्यांच्या आक्रमक प्रतिकारामुळे बिबट्या आणि त्याचे एक पिल्लू उसाच्या शेतातून पळून गेले.
दरम्यान, उर्वरित दोन पिल्ले शेतालगत असलेल्या ओढ्याच्या काठावरील झाडीत लपली. कुत्री त्या दिशेने गेल्याने भीतीपोटी ही पिल्ले झाडावर चढून बसली. घटनेनंतर परिसरात ग्रामस्थांची गर्दी झाली आणि तब्बल तीन तास बिबट्याची पिल्ले झाडावरच अडकून राहिली.
घटनेची माहिती मिळताच सागरेश्वर अभयारण्याचे वनक्षेत्रपाल बालाजी चव्हाण यांच्यासह वनपाल एस. एस. कुंभार, एस. टी. गवते, वनरक्षक रोहन मेक्षे, एम. एम. मुसळे व इतर कर्मचाऱ्यांचे पथक घटनास्थळी दाखल झाले. वन विभागाच्या पथकाने योग्य खबरदारी घेत बिबट्याच्या तिन्ही पिल्लांची सुरक्षित सुटका केली.
या घटनेनंतर देवराष्ट्रे व परिसरातील शेतकऱ्यांमध्ये भीतीचे वातावरण निर्माण झाले आहे.
हेही वाचा: एरंडोलीत अज्ञात वाहनाची भीषण धडक; दोन दुचाकीस्वारांचा मृत्यू.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
