मिरज : आगामी सांगली–मिरज–कुपवाड महानगरपालिका निवडणुकीच्या पार्श्वभूमीवर कुपवाड व मिरज परिसरातील काही प्रभागांमध्ये महायुतीतील उमेदवारीबाबत चर्चा रंगू लागल्या आहेत. कुपवाड प्रभाग क्रमांक २ आणि प्रभाग क्रमांक ३ मधील शिवसेना शिंदे गटाच्या संभाव्य उमेदवारीबाबत अद्याप स्पष्टता नाही.
राजकीय वर्तुळातील चर्चेनुसार, कुपवाड व मिरज भागातील प्रभाग क्रमांक २ मधून मोहन वनखंडे यांच्या पत्नी अनिता वनखंडे, तर प्रभाग क्रमांक ३ मधून त्यांचे पुत्र सागर वनखंडे हे महायुतीतून शिवसेना शिंदे गटाकडून इच्छुक उमेदवार होते. मात्र, एकाच कुटुंबातील दोन सदस्यांना उमेदवारी देण्याबाबत महायुतीत एकमत झाले नसल्याचे समजते.
सूत्रांकडून मिळालेल्या माहितीनुसार, आमदार सुरेश खाडे यांनी एकाच कुटुंबातील दोन सदस्यांना तिकीट देण्यास विरोध दर्शविल्याची चर्चा असून, या भूमिकेला शिवसेना शिंदे गटाकडूनही पाठिंबा दिला गेल्याचे सांगितले जात आहे. परिणामी, शिवसेना शिंदे गटाचे महानगरप्रमुख पद मोहन वनखंडे यांच्याकडे असतानाही त्यांच्या कुटुंबातील कोणाच्याही नावाचा समावेश पक्षाच्या संभाव्य उमेदवार यादीत झालेला नाही.
यामुळे कुपवाड व मिरज परिसरातील राजकीय वर्तुळत चर्चा वाढल्या असून, पुढील रणनीतीबाबत वनखंडे कुटुंब कोणती भूमिका घेणार, याकडे स्थानिक राजकीय नेत्यांचे लक्ष लागले आहे.
दरम्यान, महायुतीत अंतिम निर्णय न झाल्यास कुपवाड प्रभाग क्रमांक २ मधून भाजपकडील संभाव्य पॅनलबाबतही चर्चा सुरू आहेत. अनुसूचित जाती महिला गटातून प्राजक्ता धोतरे, ओबीसी पुरुष गटातून प्रकाश ढंग, सर्वसाधारण महिला गटातून मालूश्री खोत आणि सर्वसाधारण पुरुष गटातून प्रकाश पाटील यांची नावे चर्चेत असल्याचे समजते.
तसेच, प्रभाग क्रमांक ३ मधील अ, ब, क आणि ड गटांसाठी अनुक्रमे सुनीता व्हनमाने, शशिकला दोरकर, छाया जाधव आणि संदीप सुरेश आवटी यांची नावे संभाव्य पॅनलमध्ये चर्चेत असून, महायुतीतील वरिष्ठ स्तरावरुन अंतिम निर्णय होण्याची शक्यता वर्तवली जात आहे.
हेही वाचा: नाशिकमध्ये पुण्यश्लोक अहिल्यादेवी होळकर स्मारक उभारण्यात यावे; आमदार गोपीचंद पडळकर यांची निवेदनाद्वारे मागणी.
- सांगली जिल्ह्यातील शेतकऱ्यांना रब्बी ज्वारीचे बियाणे १००% मोफत; १८ हजार मिनिकीटचे वाटप, महाडीबीटीवर अर्ज करण्याचे आवाहन
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
