सांगली : मुख्यमंत्री माझी लाडकी बहीण योजनेतील अनेक पात्र महिलांना e-KYC प्रक्रियेत आलेल्या अडचणींमुळे अद्याप लाभ मिळालेला नाही. याबाबत वाढत्या तक्रारींची दखल घेत महिला व बालविकास मंत्री अदिती तटकरे यांनी लाभार्थ्यांसाठी महत्त्वाची माहिती दिली आहे.
e-KYC करताना काही लाभार्थ्यांनी चुकीचा पर्याय निवडल्यामुळे त्यांच्या अर्जात अडचणी निर्माण झाल्या असून, अशा महिलांना ३१ मार्च २०२६ पर्यंत e-KYC माहिती दुरुस्त करण्याची संधी देण्यात आली आहे. ही दुरुस्ती ऑनलाइन पोर्टलच्या माध्यमातून करता येणार आहे.
मंत्री तटकरे यांनी स्पष्ट केले की, पात्र असूनही लाभ न मिळालेल्या एकाही महिलेला लाभपासून वंचित ठेवले जाणार नाही. त्यामुळे ज्या लाडक्या बहिणींना अद्याप हप्ता मिळालेला नाही, त्यांनी आपली e-KYC माहिती तपासून आवश्यक ती दुरुस्ती करून घ्यावी, असे आवाहन करण्यात आले आहे.
वेळेत दुरुस्ती न केल्यास योजनेचा लाभ मिळण्यात अडचणी येऊ शकतात. त्यामुळे सांगली जिल्ह्यातील सर्व पात्र महिलांनी ही संधी न चुकवता ३१ मार्चपूर्वी e-KYC दुरुस्ती पूर्ण करावी.
हेही वाचा: ७ फेब्रुवारीला सांगली जिल्ह्यातील सर्व शाळांना सुट्टी.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
