मिरज : पोलिस व सीबीआय अधिकारी असल्याचे भासवून मिरजमधील एका निवृत्त एस.टी. अधिकाऱ्याची तब्बल सव्वा कोटी रुपयांची आर्थिक फसवणूक झाल्याचा धक्कादायक प्रकार समोर आला आहे. या प्रकरणी संबंधित अधिकाऱ्याने मिरज शहर पोलीस ठाण्यात अज्ञात व्यक्तींविरोधात तक्रार दाखल केली आहे.
तक्रारदार रवींद्र कुलकर्णी हे मिरज येथील निवृत्त एस.टी. अधिकारी आहेत. ३ ते १२ सप्टेंबर या कालावधीत अज्ञात व्यक्तींनी व्हॉट्सॲप कॉल व मोबाईलद्वारे त्यांच्याशी संपर्क साधला. आपण पोलिस, सीबीआय व रिझर्व्ह बँकेचे अधिकारी असल्याची बतावणी करत त्यांच्या नावाने बनावट बँक पासबुक, हवाला व्यवहार आणि मुंबईतील कुलाबा पोलीस ठाण्यात गुन्हा दाखल असल्याचे सांगण्यात आले.
या कथित चौकशीदरम्यान, ‘डिजिटल अरेस्ट’ची धमकी देत खाते गोठवले जाईल व अटक होईल, असे सांगून बँक खात्यातील रक्कम पडताळणीसाठी इतर खात्यांमध्ये वर्ग करण्यास भाग पाडण्यात आले. भीतीपोटी कुलकर्णी यांनी स्टेट बँक, एचडीएफसी आणि सेंट्रल बँकेतील रक्कम विविध कंपन्या व खात्यांमध्ये वर्ग केली.
मात्र, रक्कम वर्ग करूनही कोणतेही अधिकृत पत्र किंवा पडताळणी झाल्याचे समजले नसल्याने त्यांनी चौकशी केली असता आपली फसवणूक झाल्याचे स्पष्ट झाले. यानंतर त्यांनी मिरज शहर पोलीस ठाण्यात तक्रार दाखल केली. या घटनेमुळे परिसरात खळबळ उडाली असून पोलीस अधिक तपास करत आहेत.
हेही वाचा: सांगली महापालिकेसाठी राष्ट्रवादी (दोन्ही गट) व काँग्रेस एकत्र लढण्याचे संकेत.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
