Sangli News | मिरज : आगामी सांगली–मिरज–कुपवाड महानगरपालिका निवडणुकीच्या पार्श्वभूमीवर मिरजेत राजकीय हालचालींना वेग आला असून, काँग्रेसचे ज्येष्ठ नेते व माजी महापौर किशोर जामदार यांच्या राष्ट्रवादी काँग्रेस (अजित पवार गट) प्रवेशामुळे राजकीय समीकरणे बदलण्याची चिन्हे दिसू लागली आहेत. जामदार यांचा पक्षप्रवेश आता जवळपास निश्चित मानला जात असून, शुक्रवार, १९ डिसेंबर रोजी उपमुख्यमंत्री अजित पवार यांच्या हस्ते मिरजेत होणाऱ्या मेळाव्यात अधिकृत प्रवेश होणार असल्याची माहिती सूत्रांनी दिली.
मिरजेत झालेल्या कार्यकर्त्यांच्या बैठकीत जामदार यांच्या प्रवेशाचा निर्णय सर्वानुमते घेण्यात आला. गेल्या काही दिवसांपासून मिरज शहरात काँग्रेस, राष्ट्रवादी आणि भाजपमधील आजी-माजी नगरसेवकांच्या हालचाली वाढल्या होत्या. मुख्यमंत्री देवेंद्र फडणवीस यांनी महापालिका निवडणुकीत ‘मैत्रीपूर्ण लढती’चे संकेत दिल्यानंतर राजकीय हालचालींना अधिक गती मिळाली.
याच पार्श्वभूमीवर किशोर जामदार यांनी अलीकडेच पुण्यात उपमुख्यमंत्री अजित पवार यांची भेट घेतली होती. महायुती सत्तेत असल्याने शहराच्या विकासासाठी योग्य राजकीय भूमिका घेणे आवश्यक असल्याचे मत जामदार समर्थकांनी बैठकीत मांडले. या निर्णयामागे मिरज शहरातील विकासकामांना गती देण्याचा मुद्दा महत्त्वाचा असल्याचे सांगण्यात येत आहे.
जामदार यांच्या प्रवेशामुळे मिरजेत राष्ट्रवादी काँग्रेस (अजित पवार गट)ची संघटनात्मक ताकद वाढणार असून, आगामी महापालिका निवडणुकीत किशोर जामदार ‘किंगमेकर’ची भूमिका बजावू शकतात, अशी चर्चा राजकीय वर्तुळात रंगू लागली आहे. या प्रवेशानंतर मिरजेतील राजकीय समीकरणे पुन्हा नव्याने आखली जाण्याची शक्यता आहे.
हेही वाचा: सांगलीतील महिलांसाठी ‘उद्योगिनी’ सुवर्णसंधी; मिळत आहे 3 लाखांपर्यंत बिनव्याजी कर्ज.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
