सांगली : मिरज शहरात भुयारी गटारी योजनेअंतर्गत काम हाती घेण्यात येत असून, या कामामुळे काही प्रमुख मार्गांवरील वाहतूक तात्पुरती बंद ठेवण्यात येणार आहे. महापालिका प्रशासनाने दिलेल्या माहितीनुसार, दि. 24 डिसेंबर 2025 ते 24 फेब्रुवारी 2026 या कालावधीत संबंधित रस्त्यावर सर्व प्रकारची वाहतूक बंद राहणार आहे.
भुयारी गटारीचे काम डॉ. बाबासाहेब आंबेडकर उद्यान ते केंब्रिज स्कूल तसेच परमशेट्टी हॉस्पिटल ते सांगली–मिरज मुख्य रस्ता या मार्गावर करण्यात येणार आहे. या कामामुळे वाहतुकीत अडथळा निर्माण होऊ नये, यासाठी वाहतूक पर्यायी मार्गाने वळविण्याचे नियोजन करण्यात आले आहे.
या कालावधीत मिरज शहरातून ये-जा करणाऱ्या वाहनांसाठी झारीबाग चौक आणि वंटमुरे कॉर्नर मार्गाचा वापर करण्याचे नियोजन करण्यात आले आहे. नागरिकांच्या सोयीसाठी दिशादर्शक फलक, पुरेसा प्रकाश तसेच आवश्यक वाहतूक सुरक्षेच्या उपाययोजना राबविण्याचे निर्देश देण्यात आले आहेत.
दरम्यान, भुयारी गटारी योजनेचे काम सुरळीत व सुरक्षितपणे पार पाडण्यासाठी नागरिकांनी सहकार्य करावे तसेच गैरसोय टाळण्यासाठी पर्यायी मार्गांचा वापर करावा, असे आवाहन महापालिका प्रशासनाकडून करण्यात आले आहे.
हेही वाचा: सांगली महापालिका निवडणुकीच्या पार्श्वभूमीवर महायुतीतील जागावाटपाबाबत राज्यस्तरावर चर्चा.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
