सांगली : आर्थिक व्यवहारातील फसवणुकीच्या आरोपाप्रकरणी सांगलीतील तरुणाने दाखल केलेल्या तक्रारीवर प्रसिद्ध संगीतकार पलाश मुच्छल याने आपली बाजू मांडत सर्व आरोप फेटाळून लावले आहेत. संबंधित दावे निराधार व तथ्यहीन असल्याचा दावा त्याने केला आहे.
सांगली येथील विज्ञान माने यांनी जिल्हा पोलीस अधीक्षक कार्यालयात पलाश मुच्छल विरोधात लेखी तक्रार दाखल करत ‘नजरिया’ या चित्रपटाशी संबंधित आर्थिक व्यवहारात सुमारे ४० लाख रुपयांची फसवणूक झाल्याचा आरोप केला होता. या तक्रारीवर अद्याप कोणताही गुन्हा दाखल झालेला नाही.
दरम्यान, सोशल मीडियावर प्रतिक्रिया देताना पलाश मुच्छल याने सांगलीतील तक्रारदाराकडून करण्यात आलेले सर्व आरोप चुकीचे असून बदनामी करण्याच्या उद्देशाने हे दावे करण्यात आल्याचे म्हटले आहे. या प्रकरणी पलाशची कायदेशीर टीम सर्व पर्यायांचा विचार करत असल्याचेही त्याने स्पष्ट केले आहे.
पोलीस सूत्रांनी दिलेल्या माहितीनुसार, सध्या ही तक्रार प्राथमिक स्वरूपाची असून दोन्ही बाजूंची माहिती घेऊन चौकशी करण्यात येणार आहे. चौकशीनंतरच पुढील कायदेशीर कारवाईबाबत निर्णय घेतला जाईल.
नेमक काय घडलेल इथे वाचा : संगीतकार पलाश मुच्छलविरोधात सांगली पोलीस अधीक्षकांकडे तक्रार.
हेही वाचा: सांगली–मिरज–कुपवाड महापालिकेत सत्ता स्थापनेसाठी शिंदे गटाची भूमिका ठरणार निर्णायक.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
