शिराळा : सांगली जिल्ह्यातील शिराळा तालुक्यातील सागाव येथे मोलॅसिस वाहतूक करणाऱ्या टँकरच्या धडकेत दुचाकीवरून जाणाऱ्या वृद्ध महिलेचा मृत्यू झाल्याची घटना मंगळवारी (दि. 30) सायंकाळी घडली. या अपघातात महिलेचे पती गंभीर जखमी झाले असून त्यांच्यावर उपचार सुरू आहेत.
पोलिसांकडून मिळालेल्या माहितीनुसार, सावित्री मानसिंग पाटील (वय 65) व त्यांचे पती मानसिंग हंबीर पाटील (वय 75) हे दुचाकीवरून शेताकडे जात असताना पाठीमागून येणाऱ्या टँकरने त्यांच्या दुचाकीला धडक दिली. धडकेनंतर सावित्री पाटील रस्त्यावर कोसळल्या. टँकरचे चाक अंगावरून गेल्याने त्यांचा जागीच मृत्यू झाला.
या अपघातात मानसिंग पाटील हे रस्त्याच्या दुसऱ्या बाजूला फेकले गेले. त्यांच्या दोन्ही पायांना व छातीला गंभीर दुखापत झाली असून त्यांना उपचारासाठी खासगी रुग्णालयात दाखल करण्यात आले आहे.
अपघातानंतर टँकरचा चालक व क्लीनर घटनास्थळावरून पसार झाल्याची माहिती पोलिसांनी दिली. शिराळा पोलिस ठाण्यात या प्रकरणी फिर्याद दाखल करण्यात आली असून, टँकर चालकाचा शोध घेण्याचे काम सुरू आहे. पुढील तपास शिराळा पोलीस करत आहेत.
हेही वाचा: शिवसेना (उबाठा), मनसे आणि राष्ट्रविकासदल उमेदवारांची प्रभागनिहाय यादी.
- बैलगाडी शर्यतीला गेलेल्या युवकाची मोटारसायकल चोरी; रेठरेधरण येथील घटना
- दिघंची बसस्थानकाजवळील दुकान फोडले; 1.21 लाखांचा ऐवज लंपास
- सांगली महानगरपालिका भरतीच्या नावाने फसवणूक? सोशल मीडियावरील जाहिराती खोट्या
- होळीच्या रात्री पुणे–बेंगलोर महामार्गावर हिट अँड रन; पेठनाक्याजवळ 55 वर्षीय वेटरचा मृत्यू
- इस्राईल-इराण तणाव; दुबईला गेलेल्या कुपवाडमधील 30–35 पर्यटकांशी संपर्क, सुरक्षिततेबाबत प्रशासनाच्या हालचाली सुरू
- सांगली मनपाच्या पहिल्या महासभेत मोठा निर्णय; 30 कोटींच्या नाट्यगृहाला मंजुरी, स्थायी समिती गठीत
