सांगली : रुग्णवाहिका किंवा अग्निशामक वाहनांना रस्त्यावरून जाताना अडथळा निर्माण केल्यास थेट 10 हजार रुपयांचा दंड आकारला जाणार असल्याचे स्पष्ट करत उपप्रादेशिक परिवहन कार्यालयाने सांगलीत एका वाहनधारकावर कारवाई केली आहे.
मोटार वाहन कायदा 1988 च्या कलम 194(इ) नुसार आपत्कालीन वाहनांना मोकळा मार्ग न दिल्यास कठोर दंडाची तरतूद आहे. या तरतुदीनुसार MH 04 GP 0628 या वाहनावर 10 हजार रुपयांची दंडात्मक कारवाई करण्यात आली आहे.
काय घडले?
29 नोव्हेंबर 2025 रोजी रात्री तपासणीदरम्यान मोटार वाहन निरीक्षक आकाश कांबळे यांनी संबंधित वाहन अडवले. वाहनचालकाकडे वैध कागदपत्रे नव्हती. चलन प्रक्रिया सुरू असताना चालकास वाहन निरीक्षकांनी वाहन रस्त्याच्या कडेला घेण्याबाबत सांगूनही चालकाने वाहन रस्त्याच्या मध्यभागीच उभे केल्याने मोठे ट्रॅफिक जॅम झाले.
याच वेळी येणाऱ्या रुग्णवाहिकेला मार्ग मिळाला नाही आणि तिला पर्यायी रस्ता वापरावा लागला. ही बाब गंभीर मानून 12 फेब्रुवारी 2026 रोजी 10 हजार रुपयांच्या दंडाचा आदेश देण्यात आला.
नागरिकांनी काय लक्षात ठेवावे?
रुग्णवाहिका, अग्निशामक बंब, आपत्कालीन वाहने दिसताच तात्काळ बाजूला व्हावे.
रस्त्याच्या मधोमध वाहन उभे करू नये.
नियम मोडल्यास थेट 10 हजार रुपयांचा दंड लागू शकतो.
उपप्रादेशिक परिवहन अधिकारी प्रसाद गाजरे यांनी वाहनधारकांना आपत्कालीन वाहनांना मार्ग देण्याचे आवाहन केले आहे.
हेही वाचा: मार्चमध्ये सांगली जिल्ह्यात RTO ची 20+ लायसन्स शिबिरे; तुमच्या तालुक्यात कोणत्या तारखेला?.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
