सांगली : सांगलीच्या मध्यवर्ती बसस्थानक परिसरात प्रवाशांच्या गर्दीचा फायदा घेत चोरीचा प्रकार घडल्याची घटना समोर आली आहे. बसमध्ये चढताना एका महिलेच्या पर्समधील दागिने व मोबाईल अज्ञात चोरट्याने लंपास केल्याप्रकरणी सांगली शहर पोलिस ठाण्यात तक्रार दाखल करण्यात आली आहे.
याप्रकरणी धनश्री प्रमोद राजमाने (वय २९, रा. मणेराजुरी, ता. तासगाव) यांनी पोलिसांत फिर्याद दिली आहे. पोलिसांकडून मिळालेल्या माहितीनुसार, धनश्री राजमाने या २७ डिसेंबर २०२५ रोजी सांगली येथे आल्या होत्या. दुपारी चार ते साडेचारच्या दरम्यान त्या मध्यवर्ती बसस्थानकात पोहोचल्या.
बसमध्ये चढताना झालेल्या गर्दीत अज्ञात व्यक्तीने त्यांच्या पर्समधील दागिने असलेली छोटी पर्स तसेच मोबाईल चोरला. बसमध्ये बसल्यानंतर काही वेळाने पर्सची चेन उघडी दिलसल्याचे त्यांच्या निदर्शनास आले. त्यानंतर चोरी प्रकार उघड झाला.
घटनेनंतर त्यांनी तत्काळ बस वाहकाशी संपर्क साधून बस थांबवण्याची विनंती केली व शोध घेण्यात आला. यानंतर शुक्रवारी सायंकाळी त्यांनी सांगली शहर पोलिस ठाण्यात तक्रार नोंदवली.
पोलिसांकडून या प्रकरणाचा पुढील तपास सुरू असून, बसस्थानक परिसरातील सीसीटीव्ही फुटेज तपासले जात असल्याची माहिती देण्यात आली आहे. दरम्यान, गर्दीच्या ठिकाणी प्रवाशांनी आपल्या मौल्यवान वस्तूंबाबत अधिक सावध राहावे, असे आवाहन पोलिसांकडून करण्यात आले आहे.
हेही वाचा: डांगे कॉलेजजवळ अपघात; महिलेचा मृत्यू, तिघे गंभीर जखमी.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
