सांगली : सोशल मीडियावरील संभाषणाचे स्क्रीनशॉट व्हायरल करण्याची धमकी देत अल्पवयीन मुलीचा विनयभंग केल्याचा प्रकार सांगलीत उघडकीस आला आहे. या प्रकरणात संशयितही अल्पवयीन असून त्याच्याविरोधात विश्रामबाग पोलीस ठाण्यात सुधारित बाल लैंगिक अत्याचार प्रतिबंध कायद्यानुसार (POCSO) गुन्हा दाखल करण्यात आला आहे.
पोलीस सूत्रांकडून मिळालेल्या माहितीनुसार, पीडित मुलगी शिक्षणासाठी नियमितपणे सांगली शहरात येत होती. दरम्यान सोशल मीडियाच्या माध्यमातून तिची ओळख एका अल्पवयीन मुलाशी झाली होती. ओळखीनंतर काही महिन्यांपासून दोघांमध्ये ऑनलाईन संवाद सुरू होता.
त्यानंतर संशयित मुलाने तिचा दुचाकीवरून पाठलाग करणे, तिला वारंवार भेटण्याचा आग्रह धरणे, तसेच फिरायला येण्यास भाग पाडण्याचे प्रयत्न केल्याचे समोर आले आहे. दोन दिवसांपूर्वी संशयिताने, फिरायला आली नाहीस तर सोशल मीडियावरील संभाषणाचे फोटो व्हायरल करीन, अशी धमकी दिल्याचा आरोप आहे.
यावेळी संशयिताने मुलीचा हात धरून तिला लज्जा उत्पन्न होईल असे कृत्य केल्याची तक्रार मुलीच्या पालकांनी विश्रामबाग पोलीस ठाण्यात दिली. तक्रारीच्या आधारे पोलिसांनी संबंधित अल्पवयीन संशयिताविरोधात पोक्सो कायद्यानुसार गुन्हा नोंदवला असून पुढील तपास सुरू आहे.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
