सांगली : ‘तारक मेहता का उल्टा चष्मा’ मालिकेतून घराघरात पोहोचलेले अभिनेते (Mandar Chandwadkar) मंदार चांदवडकर (तारक मेहता फेम आत्माराम भिडे) यांनी सांगली दौऱ्यातील एक साधा पण मनाला भिडणारा क्षण सोशल मीडियावर शेअर केला असून, हा व्हिडिओ सध्या मोठ्या प्रमाणावर चर्चेत आहे.
सांगली जिल्ह्यातील बहे गावाजवळील रस्त्यावरील एका छोट्या खाद्यपदार्थ विक्रेत्याजवळ मंदार चांदवडकर थांबले असता, तेथे ५ रुपयांमध्ये मिळणारे चणे, फुटाणे पाहून ते सुखावले. “२०२६ मध्येही ५ रुपयात खाद्यपदार्थ मिळतात,” अशी प्रतिक्रिया देत त्यांनी या क्षणाचे चित्रीकरण केले.
या व्हिडिओत ते एका ८० वर्षीय वृद्ध खाद्यपदार्थ विक्रेत्या मामांशी संवाद साधताना दिसत आहेत. गेली अनेक वर्षे ते हा व्यवसाय करत असल्याचे सांगताना वृद्ध विक्रेत्याचा उत्साह आणि जोश पाहून मंदार चांदवडकर यांनी त्यांचे कौतुक केले. “८० वय असूनही ते अजून एकदम फिट आहेत,” असे म्हणत त्यांनी त्यांचे कौतुक केले.
यानंतर मंदार यांनी ५ रुपयांच्या लेमन गोळीचे पाकिट हातात घेत ‘हमारे जमाने कि यादे’ ताजा केली. “ही आमच्या लहानपणीची लेमन गोळी आहे; तिची चवच वेगळी होती,” अस ते म्हणाले.
(व्हिडिओ सौजन्य – Instagram / @realmandarchandwadkar)
हा व्हिडिओ सध्या मोठ्या प्रमाणावर पाहिला जात असून, सांगलीतील साधेपणा, स्वस्त दरातील खाद्य पदार्थ आणि कष्टकरी फेरीवाल्यांचे जीवन यावर अनेकांनी सकारात्मक प्रतिक्रिया दिल्या आहेत. स्थानिक व्यावसायिकांबद्दलचा आदर आणि लहान शहरांची संस्कृती अधोरेखित केल्याबद्दल नेटिझन्सकडून मंदार चांदवडकर यांचे कौतुक होत आहे.
हेही वाचा: मतदारांसाठी ‘मताधिकार’ ॲप उपयुक्त; नाव, मतदान केंद्र व उमेदवारांची माहिती एका क्लिकवर.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
