सांगली : पैशांच्या वादातून वडिलांचा खून केल्याप्रकरणी जिल्हा सत्र न्यायालयाने आरोपी मुलाला आजन्म कारावासाची शिक्षा सुनावली. न्यायालयाने मंगळवारी हा निकाल दिला.
आसंगी (ता. जत) येथील देवाप्पा खिराप्पा मोडे (५५) यांचा २०२१ मध्ये खून झाला होता. या प्रकरणी पत्नी कस्तुरा मोडे यांनी मुलगा प्रविण मोडे (२३) याच्याविरोधात उमदी पोलीस ठाण्यात फिर्याद दाखल केली होती.
तपासात समोर आलेल्या माहितीनुसार, आरोपीने बाहेरगावी जाण्यासाठी वडिलांकडे पैशांची मागणी केली होती. पैसे न दिल्याच्या रागातून त्याने वडिलांच्या छातीवर लाकडी दांडक्याने मारहाण केली. गंभीर जखमी झाल्याने त्यांचा मृत्यू झाला.
उमदी पोलिसांनी सखोल तपास करून आरोपीविरुद्ध सत्र न्यायालयात आरोपपत्र दाखल केले होते. घटनेवेळी आरोपीची आई उपस्थित असल्याची बाब न्यायालयात महत्त्वाची ठरली. तिची प्रत्यक्षदर्शी साक्ष ग्राह्य धरत न्यायालयाने आरोपीस आजन्म कारावास आणि १० हजार रुपयांचा दंड अशी शिक्षा ठोठावली.
सरकार पक्षातर्फे मेघा पाटील यांनी काम पाहिले.
हेही वाचा: पाणीपुरवठ्यावर महापौरांची बैठक; गळती रोखणे, कमी दाबाच्या तक्रारींवर कारवाईचे निर्देश.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
