सांगली : पोलिस तसेच टपाल खात्यात नोकरी लावण्याचे आमिष दाखवून सांगलीतील दोघांकडून 9 लाख 8 हजार 75 रुपये उकळल्याचा प्रकार समोर आला आहे. याप्रकरणी सांगली शहर पोलिस ठाण्यात गुन्हा दाखल करण्यात आला आहे.
श्रीकांत कोंडिबा पवार (वय 50, रा. वारणाली, विश्रामबाग, सांगली) यांनी याबाबत सुनील मधुकर पाटील (वय 53, रा. वसंतनगर, सांगली) याच्याविरुद्ध फिर्याद दिली आहे.
फिर्यादीनुसार, संशयिताने पवार यांना टपाल खात्यात नोकरी लावण्याचे आमिष दाखवून त्यांच्याकडून 4 लाख 21 हजार 685 रुपये घेतले. तसेच पवार यांचे मित्र राजकुमार गणपती खोत (वय 41, रा. खणभाग, सांगली) यांना पोलिस खात्यात नोकरी लावतो असे सांगून 4 लाख 86 हजार 390 रुपये घेतल्याचा आरोप आहे.
मात्र, दोघांनाही नोकरी न लागल्याने त्यांनी संबंधिताकडे वारंवार चौकशी केली. पैसे परत मागूनही ते परत न मिळाल्याने आपली फसवणूक झाल्याचे फिर्यादीच्या लक्षात आले. त्यानंतर श्रीकांत पवार यांनी संशयिताविरोधात सांगली शहर पोलिस ठाण्यात फिर्याद दाखल केली आली असून सांगली शहर पोलीस या प्रकरणाचा पुढील तपास करत आहेत.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
