सांगली : सांगली महानगरपालिका निवडणुकीसाठी मतदानास अवघे 23 दिवस शिल्लक असताना काँग्रेस पक्षाकडून उमेदवार निवड आणि निवडणूक रणनीतीबाबत अद्याप अधिकृत घोषणा करण्यात आलेली नाही. निवडणूक प्रक्रिया जाहीर झाल्यानंतरही स्थानिक पातळीवर स्पष्ट दिशा न मिळाल्याने पक्षांतर्गत चर्चा सुरू असल्याचे चित्र आहे.
15 जानेवारी रोजी मतदान होणार असून, अधिकृत प्रचार कालावधी 22 दिवसांचा आहे. मात्र या कालावधीत उमेदवार कधी निश्चित होतील आणि महाविकास आघाडीची एकत्रित भूमिका काय असेल, याबाबत अद्याप माहिती समोर आलेली नाही.
दरम्यान, आज इच्छुक उमेदवारांची बैठक बोलावण्यात आली असल्याची माहिती मिळाली आहे. या बैठकीत पुढील रणनीती आणि उमेदवारीबाबत चर्चा होण्याची शक्यता वर्तवण्यात येत आहे.
दुसरीकडे, जयश्री पाटील यांच्या भाजप प्रवेशानंतर पक्षापासून दूर गेलेले काही कार्यकर्ते पुन्हा काँग्रेसशी संपर्क साधत असल्याची माहिती सूत्रांकडून देण्यात आली आहे. या अनुषंगाने संबंधित कार्यकर्त्यांनी खासदार विशाल पाटील आणि प्रतीक पाटील यांची भेट घेतल्याचे सांगण्यात येते. प्रभाग क्रमांक 11 मधून उमेदवारीबाबत चर्चा सुरू असल्याचेही सूत्रांकडून स्पष्ट करण्यात आले आहे.
हेही वाचा: सांगली जिल्ह्यात ‘आमचं गाव, आमचा विकास’ उपक्रमांतर्गत GPDP कार्यशाळा; ग्रामपंचायत प्रतिनिधींना प्रशिक्षण.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
