सांगली : सांगली महानगरपालिका निवडणुकीच्या पार्श्वभूमीवर महायुतीतील जागावाटपाबाबत अद्याप अंतिम तोडगा निघालेला नाही. राष्ट्रवादी काँग्रेस (अजित पवार गट) आणि शिवसेना (शिंदे गट) यांच्याकडून जागावाटपाबाबत अपेक्षा मांडण्यात आल्याने महायुतीत पुढील रणनीतीबाबत चर्चा सुरू असल्याचे चित्र आहे.
दरम्यान, भाजपकडून विविध पर्यायांवर विचार करण्यात येत असून, काही घटक पक्षांना युतीत स्थान देण्याबाबतही चर्चा सुरू असल्याची माहिती सूत्रांकडून देण्यात आली आहे. जनसुराज्य शक्ती पक्ष आणि रिपब्लिकन पक्ष आदींबाबतही युतीच्या दृष्टीने विचारविनिमय सुरू असल्याचे सांगण्यात येते.
काल झालेल्या भाजप कोअर कमिटीच्या बैठकीत पालकमंत्री चंद्रकांत पाटील, आमदार सुरेश खाडे, आमदार सुधीर गाडगीळ यांच्यासह प्रमुख पदाधिकारी उपस्थित होते. या बैठकीत प्रत्येक प्रभागाची जबाबदारी स्थानिक नेत्यांवर सोपवण्याचा निर्णय घेण्यात आल्याची माहिती मिळाली आहे.
भाजपकडून उमेदवार यादीबाबत अंतिम निर्णय अद्याप जाहीर करण्यात आलेला नाही. मात्र येत्या काही दिवसांत या संदर्भात अधिक स्पष्टता येण्याची शक्यता वर्तवण्यात येत आहे.
हेही वाचा: सांगली महानगरपालिका निवडणुकीसाठी मतदानास उरले अवघे 23 दिवस; काँग्रेसची भूमिका अद्याप अस्पष्ट.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
