सांगली : आगामी सांगली–मिरज–कुपवाड शहर महानगरपालिका निवडणुकीच्या पार्श्वभूमीवर भाजपला रोखण्यासाठी विरोधी पक्षांची महाआघाडी तयार असल्याचे स्पष्ट संकेत मिळत आहेत. काँग्रेस, राष्ट्रवादी काँग्रेस (शरदचंद्र पवार गट), शिवसेना (उद्धव बाळासाहेब ठाकरे गट) आणि राष्ट्रवादी काँग्रेस (अजित पवार गट) यांनी एकत्र येत निवडणूक लढवण्याचा निर्णय घेतल्याची माहिती समोर येत आहे.
सूत्रांकडून मिळालेल्या माहितीनुसार, या महाआघाडी अंतर्गत १८ प्रभागांचे जागावाटप जवळपास निश्चित झाले असून, केवळ दोन प्रभागांवर अद्याप तिढा कायम आहे. मिरजमधील प्रभाग क्रमांक २० आणि सांगलीतील प्रभाग क्रमांक १५ या दोन ठिकाणी उमेदवारीवरून मतभेद सुरू असल्याचे समजते. या पार्श्वभूमीवर या प्रभागांमध्ये मैत्रीपूर्ण लढतीचे संकेत मिळत आहेत.
महाआघाडीच्या हालचालींना गती देण्यासाठी राष्ट्रवादी काँग्रेसचे मंत्री मकरंद पाटील आणि माजी खासदार संजयकाका पाटील यांनी पुढाकार घेतल्याची माहिती आहे. गेल्या काही दिवसांपासून सांगलीत सलग बैठकांचे सत्र सुरू असून, रात्री उशिरापर्यंत चर्चा झाल्याचे राजकीय वर्तुळात बोलले जात आहे.
मिरजमध्ये अतहर नायकवडी आणि अभिजीत हारगे, तर सांगलीत बिरेंद्र थोरात यांच्या उमेदवारीवरून चर्चा सुरू असून, या दोन प्रभागांतील तिढा आज सुटण्याची शक्यता वर्तवली जात आहे. याबाबत अंतिम निर्णय झाल्यानंतर महाआघाडीची अधिकृत उमेदवार यादी जाहीर होण्याची शक्यता आहे.
महापालिका निवडणुकीसाठी उमेदवारी अर्ज दाखल करण्याची प्रक्रिया सुरू असल्याने, आगामी २४ तासांत सांगलीच्या राजकारणात महत्त्वपूर्ण घडामोडी घडण्याची शक्यता आहे. त्यामुळे सर्व राजकीय पक्षांच्या अंतिम भूमिकांकडे नागरिकांचे लक्ष लागले आहे.
हेही वाचा: District Court Sangli Calendar 2026 : सांगली जिल्हा न्यायालयाचे 2026 वर्षाचे सुट्ट्यांचे दिनदर्शक जाहीर.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
